కర్నాటక మంత్రి గాలి జనార్దన్ రెడ్డికి మరిన్ని కష్టాలు

బెంగళూరు: ఓబుళాపురం మైనింగ్ కంపెనీ (ఓఎంసి) అధినేత, కర్నాటక మంత్రి గాలి జనార్దన్‌రెడ్డికి మరిన్ని కష్టాలు ఎదురవుతున్నాయి. ఇనుప ఖనిజం రవాణాపై నిఘా ముమ్మరం చేసేలా ఆంధ్రప్రదేశ్ రాష్ట్ర ప్రభుత్వం చెక్ పోస్టులను పెంచటంతోపాటు, తనిఖీని మరిం త కట్టుదిట్టం చేసినట్లు గనుల శాఖ వర్గాలు తెలిపాయి. ఓఎంసీ లీజుల్లో ఇప్పటికే తవ్విన ఖనిజం లెక్కలను సేకరించాలని శాఖ ఆదేశించినట్లు తెలుస్తోంది. వివాదరహి త ప్రాంతంలో ఓంఎంసీ తవ్వకాలు నిర్వహించుకోవచ్చని సుప్రీంకోర్టు మధ్యంతర ఉత్తర్వులు జారీ చేసినా, సరిహద్దులు తేలితే తప్ప ఏది వివాదాస్పద ప్రాంతం, ఏది కాదో నిర్ధారించటం కష్టం కాబట్టి రాష్ట్ర ప్రభుత్వం ఓఎంసీ మైనింగ్‌ను నిలుపుదల చేసింది. సుప్రీంలో వివాదం తేలిన తర్వాతే తవ్విన నిల్వల రవాణాతోపాటు మైనింగ్‌కు అనుమతిస్తామని చెబుతున్నారు.

ఇదిలా వుంటే, తమ ప్రభుత్వం ఖనిజం ఎగుమతులపై నిషేధం విధించిందని, ఈ ఎగుమతుల నిరోధానికి ఆంధ్రప్రదేశ్ ప్రభుత్వం తన వంతు సహకారం అందించాలని కోరుతూ కర్ణాటక ముఖ్యమంత్రి యడ్యూరప్ప ఇటీవల సీఎం రోశయ్యకు లేఖ రాశారు. కాగా, గాలి శిబిరానికి మంగళవారం సుప్రీంకోర్టు, కర్ణాటక హైకోర్టులు రెండు షాక్ ట్రీట్‌మెంట్లు ఇచ్చాయి. బళ్లారి గనుల యజమానుల నుంచి మాజీ ముఖ్యమంత్రి కుమారస్వామి 150 కోట్ల లంచం తీసుకున్నారంటూ గాలి సోదరులు చేసిన ఆరోపణలను సుప్రీం కొట్టివేసింది. అదే సమయంలో మంత్రులు గాలి జనా ర్దన్‌రెడ్డి, శ్రీరాములుపై కేసులను ఉపసంహరిస్తూ ప్రభుత్వం జారీ చేసిన ఉత్త ర్వులపై కర్ణాటక హైకోర్టు ధార్వాడ సంచార న్యాయపీఠం స్టే విధించింది.