వైయస్సార్ విగ్రహ స్థాపనకు చీరాలలో ఆటంకాలు

ఒంగోలు: ప్రకాశం జిల్లా చీరాలలో దివంగత నేత వైయస్ రాజశేఖర రెడ్డి విగ్రహ ప్రతిష్టాపనకు తీవ్ర అడ్డంకులు ఎదరువుతున్నాయి. విగ్రహ ప్రతిష్టాపనకు దళితులు వ్యతిరేకత చూపుతున్నట్లు తెలుస్తోంది. ఈ నేపథ్యంలో మున్సిపల్ అధికారులు విగ్రహ ప్రతిష్ఠాపన కార్యక్రమాన్ని నిలిపేసేందుకు రంగంలోకి దిగారు. దీంతో వైయస్సార్ అభిమానులు ఆందోళనకు దిగారు. మున్సిపల్ అధికారులను అడ్డుకునేందుకు ప్రయత్నిస్తున్నారు.

వచ్చే నెల 3వ తేదీ నుంచి కాంగ్రెసు కడప పార్లమెంటు సభ్యుడు వైయస్ జగన్ ప్రకాశం జిల్లాలో ఓదార్పు యాత్ర చేపట్టనున్నారు. ఈ సందర్భంగా ఆయన వైయస్ మృతి వల్ల షాక్ కు గురైన మరణించినవారి కుటుంబాలను పరామర్శించడంతో పాటు వైయస్ విగ్రహాలను ఆవిష్కరిస్తారు. వైయస్ జగన్ ఆవిష్కరకు వీలుగా ఆ విగ్రహాన్ని ప్రతిష్టించడానికి ఏర్పాట్లు చేశారు.