శ్రీహరికోట షార్ లో కీలకమైన మూడు కంప్యూటర్ల చోరీ

నెల్లూరు: శ్రీహరికోటలోని అంతరిక్ష పరిశోధనా కేంద్రం (షార్)లో కీలకమైన మూడు కంప్యూటర్ల చోరీ జరిగింది. సోమవారం రాత్రి ఈ దొంగతనం జరిగినట్లు తెలుస్తోంది. ఈ విషయం మంగళవారం ఉదయం బయటపడింది. చోరీకి సంబంధించి షార్ అధికారులు సూళ్లూరుపేట పోలీసులకు ఫిర్యాదు చేశారు. విండ్ రాడార్ సిస్టమ్ కు చెందిన కంప్యూటర్లు చోరీకి గురైనట్లు బయటపడింది. చోరీ అయిన కంప్యూటర్ల విలువ మూడున్నర లక్షల రూపాయల మేరకు ఉంటుందని అంచనా వేస్తున్నారు.

మూడు నెలల క్రితం రాకెట్ ప్రయోగం జరిగింది. దీనికి ముందు కూడా ఓ దొంగతనం జరిగినట్లు తెలుస్తోంది. దాదాపు 1100 మందితో భద్రతా ఏర్పాట్లు ఉంటాయి. ఇంత భద్రత మధ్య చోరీ జరగడం ఆశ్చర్యాన్ని కలిగిస్తోంది. ఈ చోరీకి సంబంధించి లోపలి వారి ఏ పాత్ర ఏమైనా ఉందా అనే కోణం నుంచి కూడా దర్యాప్తు జరుగుతోంది.