కరీంనగర్ లో మంత్రి శిల్పాపై తెలంగాణవాదులు రాళ్ల దాడి

కరీంనగర్: మంత్రి శిల్పామోహన్ రెడ్డికి కరీంనగర్ లో ఎదురుదెబ్బ తగిలింది. జిల్లా భీమదేవరమండలంలోని ముల్కనూరులో సహకార బ్యాంక్ ను సందర్శించడానికి వచ్చిన శిల్పామోహన్ రెడ్డిని తెలంగాణవాదులు అడ్డుకున్నారు. ఆంధ్రా మంత్రి గోబ్యాక్ అంటూ ఆయనకు వ్యతిరేకంగా నినాదాలు చేశారు. ఆయన కాన్వాయ్ పై రాళ్ల వర్షం కురిపించారు.

దాడిలో మంత్రికి కారులో కూర్చున్న వారికి ఏమీ కాక పోయినప్పటికీ కారు అద్దాలు మాత్రం పగిలాయి. మంత్రి వెనుదిరగక పోవడంతో ఓ వ్యక్తి కిరోసిన్ పోసుకొని ఆత్మహత్యా యత్నం చేశాడు. దీంతో ఆక్కడ ఉద్రిక్త వాతావరణం ఏర్పడింది. దీంతో పోలీసులు తెలంగాణవాదులను చెదరగొట్టి మంత్రిని వెనక్కి తిప్పి పంపించారు. అత్మహత్యకు ప్రయత్నించిన వ్యక్తిని పోలీసులు అదుపులోకి తీసుకున్నారు.