వైయస్ జగన్ కు దెబ్బ: హైకోర్టుకెక్కిన వైయస్ విగ్రహాల స్థాపన

హైదరాబాద్: దివంగత నేత వైయస్ రాజశేఖర రెడ్డి విగ్రహాల ప్రతిష్టాపనకు కొంత విఘాతం కలిగినట్లే. బహిరంగ ప్రదేశాల్లో, ముఖ్యంగా హైవేలూ రోడ్లపై విగ్రహాల ప్రతిష్ఠాపనను వ్యతిరేకిస్తూ హైకోర్టులో పిటిషన్ దాఖలైంది. విగ్రహాల ప్రతిష్టాపన వివరాలను పరిశీలించాలని హైకోర్టు రాష్ట్ర ప్రభుత్వాన్ని ఆదేశించింది. రాష్ట్రవ్యాప్తంగా వైయస్సార్ విగ్రహాలతో నింపేయాలని చూస్తున్న కాంగ్రెసు కడప పార్లమెంటు సభ్యుడు వైయస్ జగన్ కు కొంత మేరకు ఎదురు దెబ్బనే.

విగ్రహాల ప్రతిష్టాపనపై ప్రతి రాజకీయ నాయకుడు ఆలోచించాల్సిన అవసరం ఉంటుందని, వాహనాలకూ ప్రజలకూ ఇబ్బందులు లేకుండా చూడాలని, హైవేలూ రోడ్లపై విగ్రహాలు ప్రతిష్టిస్తే ప్రజలకు, వాహనాలకు ఇబ్బంది ఏర్పడుతుందని, ట్రాఫిక్ జామ్ లు చోటు చేసుకుంటాయని, దాని వల్ల రోడ్డు ప్రమాదాలు సంభవిస్తాయని హైకోర్టు వ్యాఖ్యానించింది.