విజయవాడ కనకదుర్గమ్మ ప్రసాదంలో పురుగులు

విజయవాడ: విజయవాడ కనకదుర్గమ్మ ప్రసాదంలో పురుగులు వస్తున్నాయి. లడ్డూ ప్రసాదంలో నాణ్యత లోపించటంతో పాటూ పురుగులు వస్తుండటంతో భక్తులు ఆవేదన చెందుతున్నారు. దసరా ఉత్సవాలకు ముస్తాబు అయిన అమ్మవారు రోజుకో రూపంలో భక్తులకు దర్శనమిస్తున్నారు. బుధవారం కనకదుర్గమ్మవారు చదువుల తల్లి సరస్వతీ రూపంలో కనిపించింది.

అయితే అక్షరాభ్యాసంతో పాటు సరస్వతీ మాతను దర్శించుకోవడానికి సుమారు 3 లక్షలకు పైగా భక్తులు బుధవారం వస్తారని అంచనా వేశారు. భక్తులకు సరిపోయేవిధంగా 3 లక్షల లడ్డూలను దేవాలయ అధికారులు తయారు చేసి పెట్టారు. అయితే అందులు పురుగులు వస్తుండటం శోచనీయం. పవిత్రమైన అమ్మవారి ప్రసాదం కొనాలన్నా భయపడాల్సి వస్తుందని భక్తులు ఆరోపిస్తున్నారు.