కొలిక్కి రాని కర్ణాటక సంక్షోభం: న్యాయమూర్తుల మధ్య బేధాభిప్రాయాలు

బెంగుళూరు: కర్ణాటక ప్రభుత్వం సంక్షోభం చిక్కుముడి వీడలేదు. హైకోర్టులోని ఇద్దరు న్యాయమూర్తులు భిన్నాభిప్రాయాలు వ్యక్తం చేయటంతో సంక్షోభం మళ్లీ వాయిదా పడింది. హైకోర్టు సోమవారం తీర్పునిస్తే ప్రభుత్వం ఉంటుందా, ఊడుతుందా అని తెలిసేది. కానీ న్యాయమూర్తుల మధ్య భిన్నాభిప్రాయాలు ఉండటంతో కేసును 20వ తేదికి వాయిదా వేశారు. కాగా కేసును ద్విసభ్య బెంచ్ నుంచి సింగిల్ సభ్య బెంచికి ప్రధాన న్యాయమూర్తి నివేదించారు.

అసమ్మతి భారతీయ జనతా పార్టీ ఎమ్మెల్యేలపై స్పీకర్ అనర్హత ప్రకటించడాన్ని ప్రధాన న్యాయమూర్తి సమర్థించగా, మరో న్యాయమూర్తి దీన్ని తప్పుబట్టారు. ఇద్దరి మధ్య భేదాభిప్రాయాలు రావడంతో కోర్టు కేసును 20వ తేదికి వాయిదా వేసింది. కాగా ఐదుగురు స్వతంత్ర ఎమ్మెల్యేల కేసు సైతం నవంబర్ 2వ తేదికి వాయిదా పడింది. దీంతో యెడ్యూరప్ప ప్రభుత్వం మరో రెండువారాలు నిశ్చింతగా ఉండవచ్చు.