దళితురాలిననే మంత్రిపదవి ఇవ్వలేదు: ఎమ్మెల్యే కుతూహలమ్మ

చిత్తూరు: తాను దళితురాలిని, డబ్బులేనందునే తనకు మంత్రి పదవి ఇవ్వలేదని గంగాధరం శాసనసభ్యురాలు, మాజీ శాసనసభ డిప్యూటీ స్పీకరు కుతూహలమ్మ శుక్రవారం విలేకరులతో అన్నారు. మంత్రి పదవులు ఇవ్వడంలో ముఖ్యమంత్రి కిరణ్ కుమార్ రెడ్డి సామాజిక న్యాయం పాటించలేదన్నారు. ఐదుసార్లు గెలిచిన తనను ముఖ్యమంత్రి పక్కన పెట్టడం సరికాదన్నారు. మంత్రి పదవి ఇవ్వకపోవటంపై తీవ్ర అసంతృప్తితో ఉన్నానని ఆమె ప్రకటించారు.

చిత్తూరు జిల్లానుండి ఒక్కరు కూడా ఎస్సీ మంత్రులు కూడా లేరని ఆమె అన్నారు. మంత్రి పదవి ఇవ్వకుండా తనకు అన్యాయం చేశారన్నారు. తనకు అన్యాయం చేయటంపై ఏఐసిసి అధ్యక్షురాలు సోనియాగాంధీని కలుస్తానన్నారు. తమకు సుప్రీంకోర్టు వంటి సోనియాగాంధీనే స్వయంగా కలిసి దీనిపై విజ్ఞప్తి చేస్తానన్నారు. సోనియాగాంధీ తనకు న్యాయం చేస్తారనే నమ్మకం తనకుందని ఆమె చెప్పారు.