ప్రభుత్వ తీరుపై ప్రజారాజ్యం పార్టీ అధినేత చిరంజీవి తీవ్ర అసంతృప్తి

హైదరాబాద్‌: ప్రభుత్వం తీరుపై ప్రజారాజ్యం పార్టీ అధ్యక్షుడు చిరంజీవి తీవ్ర అసంతృప్తి వ్యక్తం చేశారు. రైతులను ఆదుకోవడంలో ప్రభుత్వం ఘోరంగా విఫలమైందని ఆయన విమర్శించారు. బీమా నిబంధనలు సడలించి పరిహారం అందేలా ప్రభుత్వం చర్యలు తీసుకోవాలని కోరారు. విద్యార్థులపై కేసుల ఎత్తివేత అంశంపై ప్రభుత్వం ప్రకటన చేయకపోవడం భాధాకరమని చిరంజీవి వ్యాఖ్యానించారు.

రైతుల రుణాలను మాఫీ చేయాలని, విద్యార్థులపై పెట్టిన కేసులను ఎత్తేయాలని ఆయన డిమాండ్ చేశారు. రెండు రోజుల శాసనసభా సమావేశాలు అసంతృప్తినే మిగిల్చాయని ఆయన అన్నారు. రేపు ఆదివారం ఆయన ప్రాణహిత పుష్కరాలకు హాజరు కానున్నారు. రేపు 11 గంటలకు ఆయన ఆదిలాబాద్ జిల్లాలోని అర్జునగుట్టకు చేరుకుంటారు.