భార్యాపిల్లల్ని చంపిన కసాయి: నల్లగొండ జిల్లాలో దారుణం

నల్గొండ: భార్య, ఇద్దరు పిల్లలను హతమార్చి తానూ ఆత్మహత్యకు పాల్పడ్డాడు ఓ వ్యక్తి. ఈ దుర్ఘటన నల్లగొండ జిల్లాలోని చౌటుప్పల్‌లో జరిగింది. వార్డు సభ్యుడైన లింగస్వామికి అతని భార్య జయప్రద(27)కు మధ్య మనస్పర్థలున్నాయి. ఆమె మీద కోపం పిల్లలు రమ్య(12), సచిన్‌(10)లపై కూడా పెంచుకున్నాడు. ఈ నేపధ్యంలో శనివారం భార్యా పిల్లలకు విషమిచ్చి వారు స్పృహ కోల్పోయిన తరువాత వైరుతో ఉరి వేసి చంపేశాడు.

తరువాత అతను కూడా వైరుతో ఉరి వేసుకున్నాడు. అయితే అతని బరువుకు అది తెగిపడి తలకు బలమైన గాయమైంది. పరిస్థితి తెలుసుకున్న స్థానికులు లింగస్వామిని ఆసుపత్రిలో చేర్చారు. పరిస్థితి విషమించడంతో హైదరాబాద్‌ తరలించారు. పోలీసులు విచారణ ప్రారంభించారు. ఈ దారుణ సంఘటన స్థానికంగా సంచలనం సృష్టించింది.