మిమ్మల్ని ఓదార్చడానికి వస్తే నన్నే ఓదార్పారు: వైయస్ జగన్

గుంటూరు: మిమ్మల్ని ఓదార్చడానికి వస్తే మీరే నన్ను ఓదార్చారని మాజీ పార్లమెంటు సభ్యుడు వైయస్ జగన్ అన్నారు. ఆయన శనివారం రెండో రోజు గుంటూరు జిల్లాలోని రైతులను పరామర్శించారు. భారీ వర్షాలకు పంటలు నష్టపోయిన రైతులను ఆయన పరామర్శించారు. రైతు సుభిక్షంగా ఉంటేనే రాష్ట్రం బాగుంటుందని ఆయన అన్నారు. రైతులు కంట తడి పెడితే రాష్టానికి అరిష్టమని దివంగత నేత వైయస్ రాజశేఖర రెడ్డి అంటుండేవారని ఆయన గుర్తు చేశారు.

నాలుగు తుఫాన్లు రైతును కోలుకోకుకండా దెబ్బ తీశాయని ఆయన అన్నారు. లైలా తుఫాను, ఆ తర్వాత జల్ తుఫాను రైతులను నష్టపరిచాయని ఆయన అన్నారు. వర్షం తాకిడికి నష్టపోయిన రైతుల రుణాలను మాఫీ చేయాలని ఆయన ప్రభుత్వాన్ని డిమాండ్ చేశారు. రైతులకు తగిన నష్ట పరిహారం చెల్లించాలని ఆయన కోరారు.