నాణేనికి ఓ వైపు కాంగ్రెసు, మరోవైపు అవినీతి: పంజాబ్ సిఎం ప్రకాశ్ సింగ్

హైదరాబాద్: రైతులపై కేంద్ర ప్రభుత్వం వైఖరి మారాలని పంజాబ్ ముఖ్యమంత్రి ప్రకాశ్ సింగ్ బాదల్ బుధవారం అన్నారు. రైతుల కోసం ఎనిమిది రోజులు దీక్ష చేసిన ప్రకాశ్ సింగ్ తెలుగుదేశం పార్టీ అధ్యక్షుడు, మాజీ ముఖ్యమంత్రి చంద్రబాబునాయుడిని పరామర్శించారు. ఆనంతరం ఆయన విలేకరులతో మాట్లాడారు. కాంగ్రెసు ప్రభుత్వం రైతుల అభివృద్ధిని విస్మరిస్తోందని ఆరోపించారు.

నాణేనికి ఒకవైపు కాంగ్రెసు పార్టీ ఉంటే మరోవైపు అవినీతి ఉందన్నారు. కాంగ్రెసు ఆధ్వర్యంలోని కేంద్ర, రాష్ట్ర ప్రభుత్వాలు పూర్తిగా అవినీతిలో కూరుకు పోయాయని ఆరోపించారు. కేవలం రాష్ట్రంలోని రైతులే కాదు, దేశంలోనే రైతులు తీవ్ర నష్టాల్లో కూరుకు పోయారన్నారు. వారిని కాంగ్రెసు ఆధ్వర్యంలోని కేంద్ర ప్రభుత్వం విస్మరిస్తోందన్నారు. రైతులపై తమ విధానాన్ని మార్చుకోవాలని ఆయన సూచించారు.