అఖిలపక్షానికి బిజెపి డుమ్మా: నివేదిక నాలుక గీసుకోవడానికీ రాదన్న కిషన్‌

హైదరాబాద్: శ్రీకృష్ణ కమిటీ నివేదిక నాలుక గీసుకోవడానికి కూడా పనికి రాదని భారతీయ జనతా పార్టీ రాష్ట్ర అధ్యక్షుడు గంగారపు కిషన్‌రెడ్డి ఆదివారం విలేకరుల ప్రతినిధులతో అన్నారు. శ్రీకృష్ణ కమిటీ నివేదికతో ఒరిగే లాభమేమీ లేదన్నారు. ఆ కారణంగా తమ పార్టీ హోంమంత్రి చిదంబరం జనవరి 6న ఏర్పాటు చేసే అఖిలపక్షానికి హాజరు కావద్దని నిర్ణయించుకున్నదని చెప్పారు. నివేదికలతో తమకు పని లేదన్నారు. తెలంగాణ రాష్ట్రం ఇవ్వాల్సిందేనని ఆయన డిమాండు చేశారు.

తెలంగాణ ఇవ్వకుంటే రాష్ట్రంలో కాంగ్రెస్ పార్టీ చావటం ఖాయమన్నారు. కేంద్రం ప్రభుత్వం తెలంగాణను ప్రకటించకుంటే భారతీయ జనతా పార్టీ తీవ్ర ఉద్యమం చేస్తుందన్నారు. అయితే భాజపా చేస్తే ఉద్యమం రెచ్చగొట్టే విధంగా ఉండదన్నారు. శాంతియుతంగానే ప్రత్యేక రాష్ట్రం కోసం ఉద్యమిస్తామని చెప్పారు.