తెలంగాణ తెచ్చేదాకా రావద్దు: కాంగ్రెసు ఎంపీలకు కెసిఆర్ సూచన

హైదరాబాద్: ప్రత్యేక తెలంగాణ రాష్ట్రంపై చిత్తశుద్ధి ఉంటే కేంద్రాన్ని ఒప్పించే వరకు తెలంగాణకు చెందిన కాంగ్రెసు పార్టీ పార్లమెంటు సభ్యులు న్యూఢిల్లీ నుండి రావద్దని తెలంగాణ రాష్ట్ర సమితి అధ్యక్షుడు, మహబూబ్‌నగర్ పార్లమెంటు సభ్యుడు కల్వకుంట్ల చంద్రశేఖరరావు సూచించారు. ప్రత్యేక తెలంగాణ రాష్ట్రం కోసం కేంద్ర ప్రభుత్వంపై బాగా ఒత్తిడి తేవాలని ఆయన వారిని కోరారు. తెలంగాణకు చెందిన కాంగ్రెసు పార్టీ వారు ఒత్తిడి తెస్తేనే ఫలితం ఉంటుందని చెప్పారు.

కేంద్రమంత్రి ప్రణబ్ ముఖర్జీతో తెలంగాణ ఎంపీల సమావేశం నాటకంగా ఆయన కొట్టి పారేశారు. వారికి చిత్తశుద్ది ఉంటే రాజీనామాలు చేయడానికి వెనకాడవద్దన్నారు. వారు రాజీనామా చేస్తే కేంద్ర ప్రభుత్వం వెంటనే దిగి వస్తుందని చెప్పారు. వారు రాజీనామాలతోనైనా కేంద్రంపై ఒత్తిడి తేవాలని కోరారు.