చిరంజీవి రాజీనామా చేయాలి: ఇంద్రసేనా రెడ్డి

హైదరాబాద్ : అవసరమైతే రాష్ట్రంలో ముఖ్యమంత్రి కిరణ్ కుమార్ రెడ్డి ప్రభుత్వానికి మద్దతిస్తామని ప్రజారాజ్యం పార్టీ అధ్యక్షుడు చిరంజీవి చేసిన ప్రకటనపై భారతీయ జనతా పార్టీ (బిజెపి) నాయకుడు ఎన్. ఇంద్రసేనా రెడ్డి తీవ్ర ఆగ్రహం వ్యక్తం చేశారు. కాంగ్రెస్‌ను దూషించిన చిరంజీవి ఇప్పుడు ప్రభుత్వానికి మద్దతు ఇస్తాననటం ఎంతవరకూ నైతికమని ఆయన శుక్రవారం మీడియా ప్రతినిధుల సమావేశంలో ప్రశ్నించారు. చిరంజీవితో సహా ప్రజారాజ్యం శానససభ్యులందరూ రాజీనామా చేసి కాంగ్రెస్ తరఫున ఎన్నికల్లో పోటీ చేయాలన్నారు.

ప్రభుత్వం మైనార్టీలో పడిందని ఆయన అన్నారు. ముఖ్యమంత్రి బలనిరూపణకు గవర్నర్ ఆదేశించాలని ఆయన చేశారు. మైనార్టీలో పడిన ప్రభుత్వానికి ఒక్కరోజు కూడా అధికారంలో కొనసాగే హక్కు లేదన్నారు. కాంగ్రెసు శాసనసభ్యులు కొంత మంది మాజీ పార్లమెంటు సభ్యుడు వైయస్ జగన్ వైపు వెళ్లిన నేపథ్యంలో ఆయన వ్యాఖ్యలు చేశారు.