యువకుడిని చితకబాదిన పోలీసులు, రచ్చబండలో ఉద్రిక్తత

మహబూబ్‌నగర్: మహబూబ్‌నగర్ జిల్లాలోని మాడుగుల మండలం సుంకరపల్లి గ్రామం రచ్చబండలో శుక్రవారం ఉదయం తీవ్ర ఉద్రిక్తత నెలకొంది. రచ్చబండ పెట్టొద్దంటూ ఓ యువకుడి ఒంటిపై కిరోసిన్ పోసుకుని నిప్పంటింటుకోవడానికి ప్రయత్నించాడు. దీంతో పోలీసులు ఆ యువకుడిని చితకబాదారు. దాంతో అతను తీవ్రంగా గాయపడ్డారు. ప్రస్తుతం ఆస్పత్రిలో చికిత్స పొందుతున్నాడు. యువకుడిని పోలీసులు కొట్టడంతో ఆగ్రహించిన గ్రామస్థులు ఆందోళనకు దిగారు.

గ్రామస్థులకు, పోలీసులకు మధ్య తోపులాట జరిగింది. గ్రామస్థులపై పోలీసులు లాఠీచార్జీ చేశారు. ఆందోళనకారులు ఓ పోలీసు వాహనాన్ని తగులబెట్టారు. ఇతర వాహనాలను ధ్వంసం చేశారు. పోలీసులు గ్రామస్థులను చితకబాదారు. కాగా, రంగారెడ్డి జిల్లా థరూర్ గ్రామంలో రచ్చబండ టెంటును దగ్ధం చేశారు. దీంతో శాసనసభ్యుడు ప్రసాద్ రచ్చబండ కార్యక్రమానికి వచ్చి వెనుదిరిగి వెళ్లిపోయారు.