చిరంజీవికి కాపునాడు షరతులు, ఇలాగైతే మద్దతు

హైదరాబాద్: సామాజిక న్యాయం దిశగా చిరంజీవి కృషి చేస్తే ఆయనకు వెన్నుదన్నుగా నిలుస్తామని కాపునాడు ఛైర్మన్ మిరియాల వెంకటరావు ప్రకటించారు. చిరంజీవి తన లక్ష్యసాధనకు కృషిచేయాలని, కాపులు సహకరిస్తారని అన్నారు. ఆదివారం ఇక్కడి ఓ హోటల్‌లో మిరియాల వెంకటరావుతోపాటు కాపునాడు నేతలు చెంచలరావు, సూర్యచంద్రరావు, అప్పారావు విలేకరుల సమావేశంలో పాల్గొన్నారు.

బిసిలకు ముఖ్యమంత్రి పదవి ఇచ్చినట్లయితే తెలుగుదేశం పార్టీ అధ్యక్షుడు చంద్రబాబుకైనా, వైయస్ జగన్‌కైనా తాము మద్దతిస్తామని మిరియాల వెంకట రావు చెప్పారు. కేవలం 3 శాతం జనాభా ఉన్న అగ్రకులాల చేతిలో అధికారం ఉందని ఆయన విమర్శించారు. ప్రజారాజ్యం పార్టీని కాంగ్రెసులో విలీనం చేయడాన్ని ఆయన స్వాగతించారు. కాపులను వెంటనే బిసిల్లో చేర్చాలని ఆయన డిమాండ్ చేశారు.

English summary

Kapunadu president Miryala Venkat Rao supported Chiranjeevi's decision to merge Prajarajyam in Congress. He said, kapunadu will support Chiranjeevi, if he strives to achieve social justice.