• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ప్రభుత్వం ఏం చేసినా తెలంగాణ ప్రజల్లో మేం హీరోలమే: హరీష్ రావు

By Pratap
|

Harish Rao
హైదరాబాద్: శాసనసభ వ్యవహారాలకు సంబంధించి తమను బద్నాం చేయడానికి సెన్సార్ చేసిన వీడియో ఫుటేజ్‌లను ప్రభుత్వం విడుదల చేసినా తాము తెలంగాణ ప్రజల దృష్టిలో హీరోలమేనని తెలంగాణ రాష్ట్ర సమితి (తెరాస) శాసనసభ్యుడు హరీష్ రావు అన్నారు. శాసనసభ వ్యవహారాల వీడియో లీకేజీని ఆయన శుక్రవారం మీడియా ప్రతినిధుల సమావేశంలో తప్పు పట్టారు. శాసనసభ వ్యవహారాలకు సంబంధించి ప్రసారాలకు సంబంధించిన దృశ్యాలు ఇవ్వబోమంటూ ప్రత్యక్ష ప్రసారాలను కూడా నిలిపేసిన ప్రభుత్వం నిన్నటి దృశ్యాలను ఎందుకు విడుదల చేసిందని, ఎవరిని అడిగి విడుదల చేసిందని ఆయన అడిగారు. ఈ ప్రశ్నలకు రాష్ట్ర శాసనసభా వ్యవహారాల మంత్రి సమాధానం చెప్పాలని ఆయన డిమాండ్ చేశారు.

సెన్సార్ చేసిన వీడియో ఫుటేజ్‌లను మాత్రమే మీడియాకు విడుదల చేశారని, మొత్తాన్ని విడుదల చేసి ఉంటే మార్షల్స్ చేత తమపై ప్రభుత్వం ఎలా దాడి చేయించిందో కూడా తెలిసి ఉండేదని ఆయన అన్నారు. దీనిపై సభా హక్కుల ఉల్లంఘన కింద నోటీసు ఇస్తామని ఆయన అన్నారు. శాసనసభ దృశ్యాలను విడుదల చేయాలంటే బిఎసిలో చర్చించాల్సి ఉంటుందని ఆయన అన్నారు. సభా సంప్రదాయాలను ప్రభుత్వం మంట కలిపిందని, శానససభను రాజకీయాలకు వాడుకుంటోందని ఆయన అన్నారు. కొన్ని మీడియా చానెళ్లకు మాత్రమే దాన్ని విడుదల చేశారని, కొన్ని చానెళ్లకు ఇప్పటి వరకు అందలేదని ఆయన చెప్పారు. సభలో ఏం జరుగుతుందో తెలియాలంటే ప్రత్యక్ష ప్రసారానికి అనుమతించాలని ఆయన డిమాండ్ చేశారు.

English summary

 TRS MLA Harish Rao expressed anguish at Government for releasing video footage of Assembly procedings. He said that Government may want to expose us, but TRS MLAs are heros in Telangna public.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X