లక్ష్యాలు నెరవేర్చుకుంటాం: ఆర్థికశాఖ మంత్రి ఆనం రామనారాయణ

By Srinivas

Published: Wednesday, February 23, 2011, 14:37 [IST]

హైదరాబాద్: అనుకున్న లక్ష్యాలు సాధించుకుంటామనే విశ్వాసంతోనే రాష్ట్ర ప్రభుత్వం ఇంత భారీ బడ్జెట్‌ను ప్రవేశ పెట్టిందని రాష్ట్ర ఆర్థిక శాఖామాత్యులు ఆనం రామనారాయణ రెడ్డి బుధవారం అన్నారు. ఆదాయ వనరులు పెరుగుతాయనే విశ్వాసంతోనే ప్రభుత్వం ఉందన్నారు. హైదరాబాద్‌కు త్వరలో గోదావరి జలాలు తీసుకు వస్తామని స్పష్టం చేశారు. ఒంగోలులో రిమ్స్ పనులు చురుగ్గా కొనసాగుతున్నాయని చెప్పారు. సంక్షేమ, అభివృద్ధిని ప్రభుత్వం సమాన ప్రాతిపదికన చూసిందన్నారు. శాసనమండలి, శాసనసభ్యుల ఆలోచన మేరకు నియోజకవర్గాల అభివృద్ధికి కోటి రూపాయలు కేటాయిస్తున్నామని చెప్పారు. నిజామాబాద్‌లో కొత్త వైద్యశాలను నిర్మిస్తామని చెప్పారన్నారు. రాష్ట్రంలో 2014 నాటికి మురికి వాడలు నిర్మూలిస్తామని చెప్పారు.

ముఖ్యమంత్రి కిరణ్‌కుమార్ రెడ్డి అన్ని రంగాలకు ప్రాధాన్యం ఇవ్వాలని చెప్పారన్నారు. ప్రజల సంక్షేమం దృష్ట్యా అన్ని రంగాలకు ప్రాధాన్యత కల్పించే బడ్జెట్ ఇది అని చెప్పారు. దివంగత ముఖ్యమంత్రి వైఎస్ రాజశేఖరరెడ్డి పథకాలు కొనసాగింపే ఇప్పటి ప్రభుత్వ లక్ష్యం అన్నారు.

Published On February 23, 2011