రాష్ట్రానికి పెద్దపీట: నాదెండ్ల, ఉత్తరాంధ్రలో మమత దిష్టిబొమ్మ దగ్ధం

హైదరాబాద్: రైల్వే బడ్జెట్‌లో మన రాష్ట్రానికి సరియైన ప్రాధాన్యం లభించిందని అసెంబ్లీ డిప్యూటీ స్పీకర్ నాదెండ్ల మనోహర్ శుక్రవారం అన్నారు. మిగతా రాష్ట్రాలతో పోలిస్తే మన రాష్ట్రానికి రైల్వే మంత్రి మమతా బెనర్జీ పెద్ద పీట వేశారని ఆయన కితాబు ఇచ్చారు. వరంగల్ జిల్లాలోని కాజీపేటలో 1000 కోట్ల రూపాయలతో కొత్త బోగీల ఫ్యాక్టరీతో పాటు 9 కొత్త రైళ్లను, పలు రైల్వే లైన్లను రాష్ట్రానికి కేటాయించారని తెలిపారు. రైల్వే బడ్జెట్‌లో రాష్ట్రానికి ఎలాంటి అన్యాయం జరగలేదన్నారు. రాష్ట్రానికి కొత్త ప్రాజెక్టులు రావడానికి సమైక్యంగా పని చేసిన మన పార్లమెంటు సభ్యులందరికీ ఆయన కృతజ్ఞతలు తెలిపారు.

కాగా రైల్వే బడ్జెట్‌లో తమ ప్రాంతానికి అన్యాయం జరిగిందని చెబుతూ ఉత్తరాంధ్ర ఐక్యవేదిక సమాఖ్య రైల్వే శాఖా మంత్రి మమతా బెనర్జీ దిష్టిబొమ్మను దగ్ధం చేశారు. సిపిఐ ఆధ్వర్యంలో విశాఖ రైల్వే జిఎంఆర్ కార్యాలయం ముందు బైఠాయించారు.

English summary

Assembly Deputy Speaker Nadendla Manohar said Minister Mamta Banerjee gave importance in her railway budget to AP. He praises those MPs who tried for new projects. North Andhra JAC burnt Mamata's effigy for neglecting their region.