• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

సచివాలయం వద్ద తెలంగాణ ఉద్యోగుల ధర్నాలో మంత్రి శంకరరావు

By Pratap
|
Google Oneindia TeluguNews
Shankar Rao
హైదరాబాద్: సచివాలయం ముందు శనివారం తెలంగాణ ఉద్యోగులు చేసిన ధర్నాలో మంత్రి శంకరరావు పాల్గొన్నారు. సహాయ నిరాకరణ చేస్తున్న తెలంగాణ ఉద్యోగ సంఘాల జెఎసిని మంత్రి వర్గ ఉపసంఘం చర్చలకు ఆహ్వానించింది. అయితే, వారు చర్చలను బహిష్కరించి సచివాలయం ముందు ధర్నాకు దిగారు. ఈ ధర్నాలో మంత్రి శంకరరావుతో పాటు తెలంగాణ రాష్ట్ర సమితి (తెరాస) శానససభ్యుడు ఈటెల రాజేందర్, ఎమ్మెల్సీ దిలీప్ పాల్గొన్నారు. తెలంగాణ రాష్ట్ర ఏర్పాటుకు పార్లమెంటులో బిల్లును ప్రతిపాదించే వరకు తాము సహాయ నిరాకరణ ఉద్యమాన్ని అపేది లేదని తెలంగాణ ఉద్యోగులు తేల్చి చెప్పారు.

కాగా, మంత్రి వర్గ ఉపసంఘం కొన్ని సంఘాలను చర్చలకు ఆహ్వానించి, మరికొన్ని సంఘాలను విస్మరించినట్లు విమర్శలు వచ్చాయి. చర్చలకు ఆహ్వానం అందని ఉద్యోగ సంఘాల కార్యకర్తలు ధర్నాకు దిగారు. తమను లోనికి అనుమతించాలని వారు డిమాండ్ చేశారు. అయితే, పోలీసులు అందుకు అంగీకరించలేదు. ఆ తర్వాత హోం మంత్రి సబితా ఇంద్రారెడ్డితో మాట్లాడిన తర్వాత ఉద్యోగులను పోలీసులు లోనికి అనుమతించారు. ఆ తర్వాత వారు సచివాలయంలోని హెచ్ బ్లాక్ వద్ద ధర్నాకు దిగారు. ఫిబ్రవరి 17వ తేదీ నుంచి తెలంగాణ ప్రభుత్వోద్యోగులు సహాయ నిరాకరణ ఉద్యమం సాగిస్తున్నారు.

English summary
Minister Shankar Rao participated in Telangana Government staff dharna staged in front of State Secretariat today. 
 They rejected to withdraw civil disobedience movement. 
 
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X