• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

కావూరి ఇంటిముందు టి-లాయర్ల ఆందోళన: ఉండనివ్వమని హెచ్చరిక

By Srinivas
|

Kavuri Sambhasiva Rao
హైదరాబాద్: ఏలూరు పార్లమెంటు సభ్యుడు కావూరి సాంబశివరావు ఇంటి ఎదుట తెలంగాణ లాయర్లు బుధవారం ఆందోళన నిర్వహించారు. కావూరి తెలంగాణకు వ్యతిరేకంగా, సమైక్యాంధ్రకు మద్దతుగా మార్చి 5వ తేదీన తన ఇంటిలో నిర్వహించ తలపెట్టిన సీమాంధ్ర పార్లమెంటు సభ్యుల సమావేశాన్ని రద్దు చేసుకోవాలని వారు డిమాండ్ చేశారు. సుమారు 50 మంది లాయర్లు హైదరాబాద్‌లోని కావూరి ఇంటి దగ్గర ఆందోళనకు దిగారు. తెలంగాణకు అనుకూలంగా ప్లకార్డులు పట్టుకొని వారు సమైక్యాంధ్రకు వ్యతిరేకంగా నినాదాలు చేశారు.

జై తెలంగాణ అంటూ కావూరి ఇంటిలోకి చొచ్చుకొని వెళ్లేందుకు ప్రయత్నాలు చేశారు. అయితే పోలీసులు వారిని అడ్డుకున్నారు. సమావేశం నిర్వహించ వద్దని కావూరికి లేఖను ఇస్తామని వారు చెప్పారు. అయితే ఇంట్లో కావూరి లేఖ పోవడంతో వారు అక్కడే ఆందోళనకు కూర్చున్నారు. తాము సీమాంధ్ర ప్రజలకు వ్యతిరేకం కాదని అన్నారు. తెలంగాణ రాష్ట్రాన్ని మాత్రమే కోరుకుంటున్నామన్నారు. తెలంగాణను అడ్డుకుంటున్న కొందరు సీమాంధ్ర నేతలకే తాము వ్యతిరేకమన్నారు. తెలంగాణకు సీమాంధ్ర పెట్టుబడిదారులు మద్దతుగా నిలవకుంటే వారి వ్యాపారాలను అడ్డుకుంటామని హెచ్చరించారు. వారిని ఇక్కడ ఉండనిచ్చేది లేదన్నారు. న్యాయవాదులను పోలీసులు అరెస్టు చేసి పంజగుట్ట పోలీసు స్టేషన్‌కు తరలించారు.

English summary
Telangana lawyers staged dharna in front of Eluru MP Kavuri Sambasiva Rao's house on wednesday. They demanded him to withdraw seemandhra MPs meeting, which is to be held on 5th of March. They gave slogans against Kavuri.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X