జగన్ వైయస్సార్ కాంగ్రెసు పార్టీపై పెదవి విరిచిన రేణుకా చౌదరి

By Pratap

Published: Saturday, March 12, 2011, 13:17 [IST]

తిరుపతి: మాజీ పార్లమెంటు సభ్యుడు వైయస్ జగన్ స్థాపించబోయే వైయస్సార్ కాంగ్రెసు పార్టీపై మాజీ కేంద్ర మంత్రి, కాంగ్రెసు నాయకురాలు రేణుకా చౌదరి పెదవి విరిచారు. చాలా పార్టీలు వచ్చాయని, వాటిలో జగన్ పార్టీ ఒకటని ఆమె శనివారం మీడియా ప్రతినిధుల సమావేశంలో వ్యాఖ్యానించారు. వైయస్సార్ పార్టీ వల్ల కాంగ్రెసు పార్టీకి ఏ విధమైన నష్టం లేదని ఆయన అన్నారు. చాలా మంది పార్టీలు పెట్టారని, వారంతా కనుమరుగయ్యారని ఆమె అన్నారు.

మిలియన్ మార్చ్ సందర్బంగా ట్యాంక్ బండ్‌పై విగ్రహాల ధ్వంసాన్ని ఆమె ఖండించారు. విగ్రహాల ధ్వంసం వల్ల తెలంగాణ రాదని, అది తెలంగాణ సంస్కృతి కాదని ఆమె అన్నారు. విగ్రహాలను తిరిగి ప్రతిష్టించేందుకు అయ్యే ఖర్చులను రాజకీయ నాయకుల నుంచే రికవరీ చేయాలని ఆమె అభిప్రాయపడ్డారు. రాష్ట్రానికి చెందిన పార్లమెంటు సభ్యులు ఐక్యంగా లేకపోవడం వల్లనే రాష్ట్రానికి ఎక్కువ నిధుల రాబట్టలేకపోతున్నామని ఆమె అన్నారు.

Published On March 12, 2011