సమైక్యాంధ్రకు అంగీకరిస్తే కెసిఆర్ విగ్రహాన్ని స్థాపిస్తా: టిజి వెంకటేష్

హైదరాబాద్‌: తెలంగాణ నినాదాన్ని విడనాడి సమైక్యాంధ్రకు జైకొడితే తాను తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు విగ్రహాన్ని నెలకొల్పుతానని మంత్రి టిజి వెంకటేష్ అన్నారు. హైదరాబదులోనే కాకుండా కర్నూలులోనూ కెసిఆర్ విగ్రహాన్ని స్థాపిస్తానని ఆయన చెప్పారు. బతికుండగానే కెసిఆర్ విగ్రహాన్ని స్థాపించడానికి తాను సిద్ధంగా ఉన్నానని ఆయన అన్నారు. ముఖ్యమంత్రి కిరణ్ కుమార్ రెడ్డితో పాటు బుధవారం పొట్టి శ్రీరాములు విగ్రహానికి నివాళులు అర్పించిన ఆయన మీడియా ప్రతినిధులతో మాట్లాడారు.

తెలంగాణ రాష్ట్రం ఏర్పాటు చేస్తే జిల్లాకో రాష్ట్ర డిమాండ్ ముందుకు వస్తుందని ఆయన అభిప్రాయపడ్డారు. పొసగనప్పుడు విడిపోవచ్చునని ఆంధ్రప్రదేశ్ అవతరణపై నెహ్రూ అన్న మాటలను ప్రస్తావిస్తూ ఆ మాటలను ఎప్పుడు, ఏ సందర్భంలో అన్నారో పరిశీలించాలని, సందర్భాన్ని విడిదీసి చూడడం సరి కాదని, అలా చాలా అంటారని ఆయన అన్నారు. అప్పటి సందర్భం వేరు, ఇప్పటి సందర్భం వేరని ఆయన అన్నారు.

English summary

Minister TG Venkatesh offered TRS president K Chandrasekhar Rao to install later's statues in Hyderabad and Kurnool, if he supports united Andhra. He opined that if telangana state is formed separate demands will come from every district.