• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జగన్‌తో భేటీ, కిరణ్ కుమార్ రెడ్డికి ఎమ్మెల్యేలు షాక్ ఇస్తారా?

By Pratap
|
Google Oneindia TeluguNews
YS Jagan
హైదరాబాద్: వైయస్సార్ కాంగ్రెసు పార్టీ నేత, మాజీ పార్లమెంటు సభ్యుడు వైయస్ జగన్ వర్గానికి చెందిన శాసనసభ్యులు ఎమ్మెల్సీ ఎన్నికల్లో ముఖ్యమంత్రి కిరణ్ కుమార్ రెడ్డికి షాక్ ఇస్తారా అనే అనుమానాలు వ్యక్తమవుతున్నాయి. ఎమ్మెల్సీ ఎన్నికల్లో కాంగ్రెసు పార్టీ అభ్యర్థులకే ఓటు వేయాలని వైయస్ జగన్ వర్గానికి చెందిన శాసనసభ్యులు ఆలోచిస్తున్నట్లు బుధవారం సాయంత్రం వార్తలు వచ్చాయి. అయితే, వారు మనసు మార్చుకుని కాంగ్రెసు అభ్యర్థులకు టోకరా ఇస్తారా అనే అనుమానాలు వ్యక్తమవుతున్నాయి. తన వర్గానికి చెందిన శాసనసభ్యులతో వైయస్ జగన్ గురువారం ఉదయం సమావేశమై, ఎమ్మెల్సీ ఎన్నికల్లో అనుసరించాల్సిన వైఖరిపై చర్చించారు.

బుధవారం జరిగిన కాంగ్రెసు లెజిస్లేచర్ పార్టీ (సిఎల్‌పి) సమావేశానికి కొండా సురేఖ మినహా వైయస్ జగన్ వర్గానికి చెందిన శాసనసభ్యులంతా పాల్గొన్నారు. దీంతో వారంతా కాంగ్రెసు అభ్యర్థులకు ఓటేస్తారనే అనుకున్నారు. అయితే, వారు సమయానికి ఏం చేస్తారనే ఉత్కంఠ మాత్రం ఉంది. వైయస్ జగన్‌తో గురువారం ఉదయం జరిగిన సమావేశంలో శాసనసభ్యులు మేకపాటి చంద్రశేఖర రెడ్డి, జయసుధ, రామచంద్రారెడ్డి, పిల్లి సుభాష్ చంద్రబోస్, అమర్నాథ్ రెడ్డి, ఆదినారాయణ రెడ్డి, బాలినేని శ్రీనివాస రెడ్డి, గుర్నాథ రెడ్డి, శేషా రెడ్డి, శివప్రసాద్ రెడ్డి, కుంజా సత్యవతి, కమలమ్మ, కె. శ్రీనివాసులు, బాలినేని శ్రీనివాస రెడ్డి, బాలనాగి రెడ్డి, శోభా నాగిరెడ్డి, నల్లపురెడ్డి ప్రసన్నకుమార్ రెడ్డి, శ్రీకాంత్ రెడ్డి పాల్గొన్నారు.

కొండా సురేఖ, రవి, సుచరిత, రామకృష్ణ, బాబూరావు, కాటసాని రామిరెడ్డి కూడా ఈ సమావేశంలో పాల్గొన్నారు. ప్రస్తుత సంఖ్య చూస్తే వైయస్ జగన్ ఎమ్మెల్యేల సంఖ్య స్వల్పంగా పెరిగినట్లు కనిపిస్తోంది. ఈ సమావేశంలో పాల్గొన్న శాసనసభ్యుల సంఖ్య చూస్తే వైయస్ జగన్ వర్గం ఎమ్మెల్యేల సంఖ్య 25 దాకా ఉండే అవకాశం ఉంది. వీరిలో ఇద్దరేసి ప్రజారాజ్యం, తెలుగుదేశం పార్టీలకు చెందినవారు. మిగతావారంతా కాంగ్రెసు పార్టీకి చెందినవారే.

English summary
YSR Congress party leader YS Jagan met his MLAs to chalk out strategy to be adapted in MLC election. It is clear that YS Jagan has the support of about 25 MLAs. Among these MLAs two are from PRP.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X