అసెంబ్లీలో మళ్లీ కరపత్రాల కలకలం: గాదె వెంకట్‌రెడ్డిపై అనుమానాలు

By Srinivas

Published: Tuesday, March 22, 2011, 13:49 [IST]

హైదరాబాద్: అసెంబ్లీలో మళ్లీ పాంప్లెట్స్ కలకలం చెలరేగింది. తెలంగాణకు వ్యతిరేకంగా సమైక్యాంధ్రకు మద్దతుగా కొందరు సీమాంధ్ర ఎమ్మెల్యేలు కరపత్రాలు మళ్లీ పంచారు. దీనిపై తెలంగాణ కాంగ్రెసు పార్టీ శాసనసభ్యులు తీవ్రస్థాయిలో మండిపడ్డారు. కరపత్రాలను అసెంబ్లీలోకి ఎవరు తెచ్చారో తెలుపాలని డిమాండ్ చేశారు. వారు వెంటనే తెలంగాణ ప్రజలకు క్షమాపణ చెప్పాలని డిమాండ్ చేశారు. అసెంబ్లీలోకి కరపత్రాలు రావడంపై స్పీకర్ నాదెండ్ల మనోహర్‌కు ఫిర్యాదు చేస్తామని చెప్పారు. కరపత్రాలు తెలంగాణ ప్రజల మనోభావాలు కించపరిచేలా ఉన్నాయని అన్నారు.

కరపత్రాల పంపిణిపై ఆయన చర్యలు తీసుకోవాలని కోరారు. కాగా ఈ కరపత్రాలను కాంగ్రెసు పార్టీ సీనియర్ నాయకుడు, మాజీ మంత్రి గాదె వెంకటరెడ్డి పంచినట్టుగా తెలుస్తోంది. ఈ కరపత్రాల్లో తెలంగాణనుండి వచ్చే రెవెన్యూ, సీమాంధ్ర ప్రాంతంనుండి వచ్చే రెవెన్యూపై ముద్రించారు.

Published On March 22, 2011