• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జూన్‌లో తెలంగాణ విలీనం, కాంగ్రెసులో తెరాస విలీనం?

By Pratap
|

K Chandrasekhar Rao-Sonia Gandhi
హైదరాబాద్: తెలంగాణ రాష్ట్ర ఏర్పాటుకు జూన్‌లో ప్రకటన చేస్తామని కాంగ్రెసు అధ్యక్షురాలు సోనియా గాంధీ తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావుకు హామీ ఇచ్చినట్లు వార్తలు వస్తున్నాయి. అయితే, తెరాసను కాంగ్రెసులో విలీనం చేయాలని ఆమె షరతు పెట్టినట్లు ఆ వార్తల సారాంశం. సోమవారం జరిగిన ఎస్ఎంఓల సమావేశంలో కెసిఆర్ వెల్లడించినట్లు చెబుతున్నారు. సోనియా ఇచ్చిన హామీపై పార్టీలో విస్తృతమైన చర్చ జరిగినట్లు చెబుతున్నారు. హైదరాబాద్ పదేళ్ల పాటు ఉమ్మడి రాజధానిగా ఉంటుందని కూడా సోనియా చెప్పినట్లు తెలుస్తోంది. ఈ హామీ వల్లనే ఆంధ్ర, తెలంగాణ మేధావుల మధ్య ఆ మధ్య చర్చ జరిగినట్లు భావిస్తున్నారు.

కెసిఆర్‌కు సోనియా ఇచ్చినట్లు చెబుతున్న హామీపై ఎబిఎన్ - ఆంధ్రజ్యోతి చానెల్ చర్చా కార్యక్రమాన్ని నిర్వహించింది. అయితే, తెరాస కాంగ్రెసులో విలీనం కాదని తెరాస నాయకులు హరీష్ రావు, నాయని నరసింహా రెడ్డి, రఘునందన్ రావు చెప్పారు. తెలంగాణ రాష్ట్రం ఏర్పాటు తర్వాత కూడా తెలంగాణ పునర్నిర్మాణం బాధ్యత తమపై ఉందని వారంటున్నారు. అయితే, 2004లో తెలంగాణ ఇచ్చినట్లు తెరాసను కాంగ్రెసులో విలీనం చేయడానికి అంగీకరించి ఉండేవారని, ఇప్పుడు ఆలాంటిది సాధ్యం కాదని నాయని నరసింహా రెడ్డి అన్నారు.

తెరాస తమ పార్టీలో విలీనమైతే కేంద్ర ప్రభుత్వం తెలంగాణ ఇస్తుందని కాంగ్రెసు తెలంగాణ ప్రాంత పార్లమెంటు సభ్యులు చాలా కాలంగా చెబుతూనే ఉన్నారు. తాజాగా, పొన్నం ప్రభాకర్ కూడా అదే మాటను టీవీ చానెల్ చర్చా కార్యక్రమంలో చెప్పారు. ప్రాణత్యాగాల ముందు పార్టీ త్యాగం గొప్పది కాదని ఆయన అన్నారు. తెలంగాణ కోసం పార్టీ త్యాగం తప్పదని కెసిఆర్ అన్నట్లు కూడా చెబుతున్నారు.

English summary
Buzz is that Congress president Sonia gandhi promised TRS president K Chandrasekhar Rao on formation of Telangana state. But Sonia Gandhi is wanted TRS merger in Congress, it is said.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X