తెలంగాణ ఇవ్వకున్నా నష్టం లేదు: ఆజాద్‌కు ఎంపీ లగడపాటి లేఖ

న్యూఢిల్లీ: ప్రత్యేక తెలంగాణ రాష్ట్రంపై, రాష్ట్రంలో కాంగ్రెసు పరిస్థితిపై విజయవాడ పార్లమెంటు సభ్యుడు లగడపాటి రాజగోపాల్ శుక్రవారం రాష్ట్ర వ్యవహారాల ఇంఛార్జ్ గులాం నబీ ఆజాద్‌కు లేఖ రాశారు. ప్రత్యేక తెలంగాణ రాష్ట్రం ఇవ్వకున్నా కాంగ్రెసు పార్టీకి ఎలాంటి నష్టం లేదని ఆయన అందులో స్పష్టం చేశారు. ప్రత్యేక తెలంగాణ ఇవ్వవలసిన అవసరం లేకుండానే పార్టీ బలంగా ఉంటుందని అన్నారు.

శ్రీకృష్ణ కమిటీ నిర్ణయానికి అందరూ కట్టుబడి ఉండాలని ఆయన అందులో కోరారు. శ్రీకృష్ణ కమిటీ పూర్తి వివరాలు సేకరించిన తర్వాత తన నివేదికను సమర్పించిందన్నారు. కాబట్టి కమిటీ సిఫార్సులకు అందరూ కట్టుబడి ఉండాల్సిందే అన్నారు. కమిటీ చేసిన సిఫార్సులను ప్రభుత్వాలు కూడా యథాతథంగా అమలు పర్చాలని అన్నారు. స్థానిక సంస్థల ఎన్నికలలో కాంగ్రెసు పార్టీ విజయాలలో మొదటి స్థానంలో ఉంటుందని అన్నారు. ఎమ్మెల్సీ ఎన్నికల ఫలితాలు స్థానిస సంస్థల ఎన్నికలపై ప్రభావాన్ని చూపనని అన్నారు.

English summary

Vijayawada parliament member Lagadapati Rajagopal wrote a letter to Andhra Pradesh in charge Ghulam Nabi Azad today. He hoped that Congress may first place in local body election. He said there is no loss to congress if Telangana will not give.