'ఎన్టీఆర్‌'పై కోర్టుకు వెళతా, ప్రజలు జగన్‌ను కోరుకుంటున్నారు: లక్ష్మీపార్వతి

By Srinivas

Published: Friday, March 25, 2011, 14:15 [IST]

హైదరాబాద్: తెలుగుదేశం పార్టీ వ్యవస్థాపకులు, దివంగత నందమూరి తారక రామారావు పోటోను తెలుగుదేశం పార్టీ ఉపయోగించరాదని ఎన్టీఆర్ తెలుగుదేశం పార్టీ రాష్ట్ర అధ్యక్షురాలు నందమూరి లక్ష్మీపార్వతి శుక్రవారం అన్నారు. ఎన్టీఆర్ ఆశయాలకు ఆ పార్టీ తిలోదకాలు ఇచ్చినందువల్లనే ఆ పార్టీ ఎన్టీఆర్ ఫోటోను వాడరాదని అన్నారు. ఆ పార్టీకి ఫోటో వాడే హక్కు కోల్పోయిందన్నారు. ఈ అంశంపై కోర్టులో కేసు వేస్తానని ఆమె చెప్పారు.

స్థానిక సంస్థల ఎన్నికలలో కాంగ్రెసు పార్టీతో తెలుగుదేశం పార్టీ లోపాయికారి ఒప్పందం కుదుర్చుకున్నదన్నారు. ప్రజలు ఇప్పుడు విసిగి పోయి ఉన్నారని, వారు ఇప్పుడు కొత్త నాయకత్వాన్ని కోరుకుంటున్నారని మాజీ పార్లమెంటు సభ్యుడు వైయస్ జగన్మోహన్ రెడ్డిని ఉద్దేశించి అన్నారు.

Published On March 25, 2011