వైయస్ జగన్ వర్గంపై తెలుగుదేశం ఎమ్మెల్యే పయ్యావుల ధ్వజం

హైదరాబాద్: తమ పార్టీ అధ్యక్షుడు నారా చంద్రబాబు నాయుడిపై తీవ్ర వ్యాఖ్యలు చేసిన వైయస్సార్ కాంగ్రెసు పార్టీ నేత వైయస్ జగన్ వర్గం శాసనసభ్యులపై తెలుగుదేశం పార్టీ శానససభ్యుడు పయ్యావుల కేశవ్ ధ్వజమెత్తారు. గుమ్మడి కాయల దొంగ అంటే వైయస్ జగన్ వర్గం భుజాలు తడుముకుంటోందని ఆయన శనివారం మీడియా ప్రతినిధుల సమావేశం వ్యాఖ్యానించారు. భూ కేటాయింపుల్లో దొంగ ఎవరో జగన్ వర్గం శాసనసభ్యుల చర్య వల్ల తేలిపోయిందని ఆయన అన్నారు.

పదవి పోతుందనే భయంతోనే ముఖ్యమంత్రి కిరణ్ కుమార్ రెడ్డి భూ కేటాయింపులపై సభా సంఘానికి అంగీకరించడం లేదని ఆయన అన్నారు. తమకు వ్యతిరేకంగా శాసనసభలో వైయస్ జగన్ వర్గం ఎమ్మెల్యేలు ఆందోళనకు దిగడాన్ని ఆయన తప్పు పట్టారు. వైయస్ హయాంలో జరిగిన భూ కేటాయింపులపై సభా సంఘం వేయాలని డిమాండ్ చేస్తూ శాసనసభా సమావేశాలను అడ్డుకున్న తెలుగుదేశం పార్టీ సభ్యులకు వ్యతిరేకంగా జగన్ వర్గం ఎమ్మెల్యేలు ప్లకార్డులు ప్రదర్శిస్తూ ఆందోళనకు దిగిన విషయం తెలిసిందే.

English summary

TDP MLA Payyavula Keshav retaliated YS Jagan camp MLAs on land allocations issue. He said that the culprit in land allocation issue was exposed through Jagan camp MLAs attitude.