వైయస్ జగన్ వైయస్సార్ కాంగ్రెసులోకి కాంగ్రెసు నేత ఇంద్రకరణ్ రెడ్డి?

హైదరాబాద్: కాంగ్రెసు నాయకుడు, ఆదిలాబాద్ మాజీ పార్లమెంటు సభ్యుడు ఇంద్రకరణ్ రెడ్డి మాజీ పార్లమెంటు సభ్యుడు వైయస్ జగన్‌ నాయకత్వంలోని వైయస్సార్ కాంగ్రెసులో చేరుతారనే అనుమానాలు వ్యక్తమవుతున్నాయి. ఇంద్రకరణ్ రెడ్డి గత కొంత కాలంగా కాంగ్రెసు పార్టీ కార్యకలాపాలకు దూరంగా ఉంటున్నారు. ఈ స్థితిలో ఆయన ఆదివారం హైదరాబాదులో వైయస్ జగన్‌ను కలిశారు. తాను మర్యాదపూర్వకంగానే జగన్‌ను కలిశానని ఆయన మీడియా ప్రతినిధులతో చెప్పారు.

జగన్ తండ్రి దివంగత నేత వైయస్ రాజశేఖర రెడ్డితో తనకు సన్నిహిత సంబంధాలున్నాయని ఆయన చెప్పారు. అంతేకాకుండా, జగన్‌కు మంచి రాజకీయ భవిష్యత్తు ఉందని ఆయన కొనియాడారు. ఆయన మాటలు చూస్తుంటే జగన్ పార్టీలోకి వెళ్లడం ఖాయమని అనిపిస్తోంది. ఇప్పటి వరకు కొండా సురేఖ తెలంగాణ నుంచి పెద్ద దిక్కు. బాజిరెడ్డి గోవర్దన్ రెడ్డి, గోనె ప్రకాశ రావు, రెహ్మాన్ వంటి నాయకులు ఉన్నప్పటికీ సీనియర్ నాయకులు లేని లోటు కనిపిస్తూ వచ్చింది. ఇంద్రకరణ్ రెడ్డి వైయస్సార్ కాంగ్రెసులో చేరితే ఆ లోటు తీరుతుంది.

English summary

It is learnt that ex MP and Congress leader Indrakaran Reddy may join in YSR Congress party lead by YS Jagan. Indrakaran Reddy, who met YS Jagan terms it as a courtesy call.