జెసి దివాకర్ రెడ్డిపై కాంగ్రెసులో పెరుగుతున్న వ్యతిరేకత
ఎమ్మెల్సీ ఎన్నికల్లో కాంగ్రెస్ను ఓడించేందుకు తాడిపత్రి ఎమ్మెల్యే జేసీ దివాకరరెడ్డి పని చేశారని ధర్మవరం ఎమ్మెల్యే వెంకటరామిరెడ్డి ఆరోపించారు. కాంగ్రెస్కు నష్టం చేకూర్చేందుకే జేసీ ఇలా వ్యవహరిస్తున్నారన్నారని ఆయన ఆదివారం మీడియా ప్రతినిధుల సమావేశంలో అన్నారు. కార్యకర్తల ముందు ఇప్పటికైనా జేసీ తప్పు ఒప్పుకోవాలని డిమాండ్ చేశారు. కాంగ్రెస్ను వీడి జేసీ దివాకర రెడ్డి పోటీ చేస్తే ఆయనపై తాము పోటీకి సిద్ధమని సవాలు విసిరారు. అనంతపురం జిల్లాకు చెందిన మరో మంత్రి శైలజానాథ్ను పక్కన కూర్చోబెట్టుకుని మంత్రి రఘువీరా రెడ్డిపై తీవ్ర వ్యాఖ్యలు చేశారు. జెసిని విషపు పురుగుగా అభివర్ణించారు. దానికి జెసి దీటైన సమాధానం ఇచ్చినప్పటికీ ఫలితం లేకుండా పోతోంది. తనకు మంత్రి పదవి రాకపోవడంతో రఘువీరా రెడ్డిపై ఆగ్రహంతో కాంగ్రెసు అభ్యర్థిని జెసి ఓడించారని అంటున్నారు.
రఘువీరా రెడ్డి, జెసి దివాకర్ రెడ్డి మధ్య పోరుతో అనంతపురం జిల్లా కాంగ్రెసు పార్టీలోని విభేదాలు స్పష్టంగా బయటపడ్డాయి. భవిష్యత్తులో కూడా అనంతపురం జిల్లాలో ఇదే పరిస్థితి ఉంటుందని అంటున్నారు. జెసి దివాకర్ రెడ్డి వైయస్ జగన్ను సాకుగా చూపి రఘువీరా రెడ్డిని తప్పు పట్టే ప్రయత్నం చేశారు. రఘువీరా రెడ్డిని జగన్ మనిషిగా ఆయన చిత్రీకరించే ప్రయత్నం చేశారు. కానీ జెసి తెలుగుదేశం పార్టీ అధ్యక్షుడు నారా చంద్రబాబు నాయుడితో కుమ్మక్కయ్యారనే విషయాన్ని ప్రత్యర్థులు ముందుకు తెస్తున్నారు.
Click it and Unblock the Notifications
Sign in with Google