• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

చిరంజీవి, చంద్రబాబు ఎదురుపడ్డ వేళ, తమిళనాడు ప్రచార చర్చ

By Pratap
|
Google Oneindia TeluguNews
Chiranjeevi
హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడు, ప్రజారాజ్యం పార్టీ అధినేత చిరంజీవి మంగళవారం శాసనసభ ఇన్నర్ లాబీల్లో ఎదురు పడ్డారు. పరస్పరం పలకరించుకున్నారు. ఈ సందర్భంగానే వారిద్దరు తమిళనాడు ఎన్నికల ప్రచారానికి వెళ్తున్న విషయాలను పరస్పరం పంచుకున్నారు. చిరంజీవి కాంగ్రెస్‌ మిత్రపక్షమైన డీఎంకే కూటమి పక్షాన ఏప్రిల్‌ అయిదు నుంచి అక్కడ ప్రచారానికి శ్రీకారం చుడుతున్నారు. ఆ తర్వాత చంద్రబాబు అన్నాడీఎంకే తరపున ప్రచారం చేయనున్నారు. తాను కూడా తమిళనాడు ఎన్నికల ప్రచారానికి వెళ్తున్న విషయాన్ని చంద్రబాబు చిరంజీవికి చెప్పారు.

చంద్రబాబు తమిళనాడు వెళ్తున్నారా అని అడగ్గా అయిదు నుంచి ప్రచారం చేస్తున్నానని చిరంజీవి బదులిచ్చారు. 'నేనూ వస్తున్నా, కాకపోతే మీకు వ్యతిరేకంగా అన్నాడీఎంకే తరపున ప్రచారం చేస్తున్నా' అని చంద్రబాబు నవ్వుతూ వ్యాఖ్యానించారు. అలాగే రండి అని చిరు కూడా నవ్వుల్లో జత కలిపారు. ఇంకా ఎక్కడెక్కడికి ప్రచారానికి వెళ్తున్నారంటూ పక్కన ఉన్న ఎమ్మెల్యేలు అడగ్గా, పశ్చిమ బెంగాల్‌ కూడా వెళ్లాలనుకుంటున్నట్లు చిరంజీవి తెలిపారు. అక్కడే ఉన్న సీపీఎం నేత జూలకంటి రంగారెడ్డి స్పందిస్తూ - అలాగైతే మంచి పార్టీ అధికారంలోకి రావాలని కోరుకుని సీపీఎం కోసం ప్రచారం చేయండన్నారు. తాను తృణమూల్‌ కాంగ్రెస్‌ మంచి పార్టీగా భావిస్తున్నానని, ఆ పార్టీకి ప్రచారం చేస్తానని చిరు వ్యాఖ్యానించారు. ఈ విషయాల్ని అసెంబ్లీలోని తన ఛాంబర్‌లో చిరంజీవే మీడియాకు వివరించారు.

English summary
TDP president N Chandrababu will campaign in Tamil Nadu election for AIDMK. This was disclosed by Chandrababu to Chiranjeevi in assembly inner lobbies.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X