• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ వివేకానంద రెడ్డి రాజీనామా ఉత్త డ్రామానేనా?

By Pratap
|

YS Vivekananda Reddy
హైదరాబాద్: మంత్రి పదవికి వైయస్ వివేకానంద రెడ్డి చేసిన రాజీనామా డ్రామా మాత్రమే అనే వ్యాఖ్యలు వినిపిస్తున్నాయి. వైయస్సార్ కాంగ్రెసు పార్టీ నాయకుడు వైయస్ జగన్ వర్గానికి చెందిన శాసనసభ్యులు మాత్రమే కాకుండా తెలుగుదేశం నాయకులు కూడా అదే మాట అంటున్నారు. వివేకానంద రెడ్డి రాజీనామా డ్రామా మాత్రమేనని వైయస్ జగన్ వర్గానికి చెందిన శాసనసభ్యుడు శ్రీకాంత్ రెడ్డి అన్నారు. తెలుగుదేశం శాసనసభ్యుడు గాలి ముద్దుకృష్ణమ నాయుడు కూడా అదే మాట అన్నారు. ముఖ్యమంత్రి కిరణ్ కుమార్ రెడ్డి వైయస్ వివేకానంద రెడ్డి రాజీనామాను ఆమోదించకపోవడంతో ఆ మాటలకు మరింత బలం చేకూరుతోంది.

ఎన్నికలకు వెళ్లే తనకు మంత్రి పదవి ఎందుకని వైయస్ వివేకానంద రెడ్డి అన్నప్పటికీ ఆయన మంత్రిగా కొనసాగే అవకాశాలే ఉన్నాయి. కాగా, తన వదిన వైయస్ విజయమ్మపై తమ పార్టీ అభ్యర్థిని పోటీకి దించకూడదనే ఆలోచనలో కాంగ్రెసు అధిష్టానం ఉన్నట్లు తెలుస్తోంది. పులివెందుల శాసనసభా నియోజకవర్గం నుంచి వదిన విజయమ్మపై పోటీ చేయడానికి వివేకానంద రెడ్డి కూడా విముఖత ప్రదర్శిస్తున్నట్లు వార్తలు వస్తున్నాయి. ఈ స్థితిలో కడప జిల్లా ఇంచార్జీ మంత్రి కన్నా లక్ష్మినారాయణ నివాసంలో కడప జిల్లా నాయకుల సమావేశం జరిగింది. కడప పార్లమెంటు సీటుకు, పులివెందుల శాసనసభా నియోజకవర్గానికి అభ్యర్థులను ఖరారు చేసేందుకు ఈ సమావేశం జరిగినట్లు తెలుస్తోంది. కాగా, ఉప ఎన్నికలపై తమ కాంగ్రెసు అధ్యక్షురాలు సోనియా గాంధీతో చర్చించేందుకు వైయస్ వివేకానంద రెడ్డి గురువారం ఢిల్లీకి వెళ్తారని సమాచారం.

మంత్రులు అహ్మదుల్లా, డిఎల్ రవీంద్రారెడ్డిలతో పాటు వైయస్ వివేకానంద రెడ్డి, ఇతర సీనియర్ నాయకులు ఈ సమావేశంలో పాల్గొన్నారు. వైయస్ రాజశేఖర రెడ్డి ప్రతిష్టను దెబ్బ తీసేందుకు కాంగ్రెసు పార్టీ తెలుగుదేశం పార్టీ అధ్యక్షుడు నారా చంద్రబాబు నాయుడితో కుమ్మక్కయిందని, ఇందులో భాగంగానే భూ కేటాయింపులపై సభా సంఘానికి ముఖ్యమంత్రి కిరణ్ కుమార్ రెడ్డి అంగీకరించారని జగన్ వర్గం ఎమ్మెల్యేలు వాదిస్తున్నారు. కాంగ్రెసు పార్టీ తెలుగుదేశం పార్టీతో కుమ్మక్కయిందనే ప్రచారాన్ని కడప, పులివెందుల ఉప ఎన్నికల్లో విస్తృత ప్రచారంలో పెట్టేందుకు జగన్ వర్గం ప్రయత్నిస్తోంది.

English summary
Buz is that YS Vivekananda Reddy's resignation is a drama to counter YS Jagan. YSR Congress party lead by YS Jagan camp MLAs as well as TDP leaders are making the same comment, terming YS Viveka's resignation is a drama.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X