• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణ సాధన కోసం ప్రత్యేక యాక్షన్ కమిటీ: టి-ఎంపీల నిర్ణయం

By Srinivas
|
Google Oneindia TeluguNews
Telangana
హైదరాబాద్: మే చివరి వారం తర్వాత కేంద్రం ప్రత్యేక తెలంగాణపై స్పష్టమైన వైఖరి ప్రకటించకుంటే ప్రత్యక్ష ఆందోళనకు దిగడానికి సిద్ధంగా ఉండాలని తెలంగాణ ప్రాంతానికి చెందిన కాంగ్రెసు పార్లమెంటు సభ్యులు నిర్ణయించుకున్నట్లుగా తెలుస్తోంది. ఆదివారం తెలంగాణ కాంగ్రెసు ఎంపీలు నాంపల్లిలోని ఎగ్జిబిషన్ గ్రౌండ్సులో సమావేశమయ్యారు. భవిష్యత్తు కార్యాచరణపై చర్చించారు. ఈ సందర్భంగా మే చివరి వారం వరకు కేంద్రానికి సమయం ఇవ్వాలని ఆ తర్వాత తెలంగాణకు అనుకూలంగా ప్రకటన రాకుంటే కేంద్రంపై ప్రత్యక్ష ఆందోళనకు దిగేందుకు సిద్ధమయినట్లుగా తెలుస్తోంది.

మే తర్వాత ఉద్యమాన్ని కాంగ్రెసు పార్టీ అధ్వర్యంలో ఉధృతం చేయాలని నిర్ణయించుకున్నట్లుగా తెలుస్తోంది. ఇందులో భాగంగా ఓ యాక్షన్ కమిటీని వేయాలని నిర్ణయించుకున్నట్లుగా తెలుస్తోంది. తెలంగాణకు చెందిన అన్ని పార్టీల ఎమ్మెల్యేలు, ఎమ్మెల్సీల సంతకాలతో కేంద్రానికి ఓ లేఖను కూడా రాయాలని నిర్ణయించుకున్నట్లుగా తెలుస్తోంది. ఇతర అంశాల జోలికి వెళ్లకూడదని, అలా చేస్తే ముఖ్యమైన తెలంగాణ అంశం పక్కదారి పట్టే అవకాశాలు ఉన్నాయని వారు భావించినట్టుగా తెలుస్తోంది.

కాంగ్రెసు ఆధ్వర్యంలో వేసే కమిటీ ద్వారా ఉద్యమాన్ని ఉధృతం చేసి కేంద్రానికి తెలంగాణ సెంటిమెంటు ప్రధాన్యత చెప్పాలని అనుకున్నట్లుగా తెలుస్తోంది. తాము తెలంగాణ తప్ప తమకేమీ అవసరం లేదని ఆజాద్‌కు చెప్పినట్లుగా వివరించారు. శ్రీకృష్ణ కమిటీనే పరిగణలోకి తీసుకోనప్పుడు ఆ కమిటీ అందజేసిన 8వ అధ్యాయం గురించి ఆందోళన అవసరం లేదని వారు భావిస్తున్నట్లుగా తెలుస్తోంది. 5 రాష్ట్రాల ఎన్నికల వరకే వారు కేంద్రానికి డెడ్ లైన్ విధించినట్లుగా తెలుస్తోంది.

English summary
Telangana Congress MPs were decided today to form seperate action committee for Telangana state in their meeting.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
Desktop Bottom Promotion