• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

పుట్టపర్తి సత్య సాయిబాబా ఆరోగ్యం మరింత ఆందోళనకరం

By Pratap
|
Google Oneindia TeluguNews
Sathya Saibaba
హైదరాబాద్: పుట్టపర్తి సత్యసాయి బాబా ఆరోగ్య పరిస్థితి విషమించింది. ఆయన చికిత్సకు స్పందించడం లేదు. శరీరంలోని కీలక అవయవాలు పనిచేయడం మానేశాయి. ప్రస్తుతం బాబాకు వెంటిలేటర్‌ సహాయంతో కృత్రిమ శ్వాస అందిస్తున్నారు. ఆయన అరోగ్య పరిస్థితి ఆందోళనకరంగానే ఉందని సత్యసాయి సూపర్‌ స్పెషాలిటీ ఆసుపత్రి డైరెక్టరు ఏఎన్‌ సఫయా ప్రకటించారు. ఈ మేరకు సోమవారం సాయంత్రం 5.30 గంటలకు ఆయన మెడికల్‌ బులెటిన్‌ను విడుదల చేశారు. సోమవారం మధ్యాహ్నం నుంచీ ప్రధాన అవయవాలన్నీ సక్రమంగా పనిచేయడం లేదని అందులో తెలిపారు. ఆసుపత్రి వైద్యుల బృందం బాబా ఆరోగ్యాన్ని మెరుగుపరచడానికి ప్రయత్నిస్తున్నట్లు పేర్కొన్నారు. ప్రస్తుతం సీఆర్‌ఆర్‌టీ పద్ధతి ద్వారా కిడ్నీలు పని చేస్తున్నాయని వివరించారు.

సత్యసాయి బాబా కిడ్నీల పనితీరు మెరుగుపడటానికి ఆదివారం రాత్రి సీఆర్‌ఆర్‌టీ పరికరంతో అరుదైన శస్త్ర చికిత్స జరిపినట్లు మంత్రులు ఎన్‌.రఘువీరారెడ్డి, జె.గీతారెడ్డి వెల్లడించారు. దేశంలోనే ఇది అరుదైన శస్త్ర చికిత్సగా పేర్కొన్నారు. బెంగళూరు నుంచి ఈ పరికరాన్ని తీసుకొచ్చినట్లు చెప్పారు. సోమవారం బాబా ఆరోగ్యం గురించి తెలుసుకోవడానికి పుట్టపర్తి సూపర్‌ స్పెషాలిటీ ఆసుపత్రికి వచ్చిన వారిద్దరూ విలేకరులతో మాట్లాడారు. సీఆర్‌ఆర్‌టీ శస్త్ర చికిత్స అనంతరం 48 గంటలపాటు బాబాను వైద్యుల పర్యవేక్షణలో ఉంచినట్లు వివరించారు. వెంటిలేటరు సహాయంతోనే ఇప్పటికీ ఆయన శ్వాస తీసుకుంటున్నారని చెప్పారు. బాబాకు అత్యాధునిక వైద్య సేవలు అందించడానికి ప్రభుత్వం ఆదివారం రాత్రి రాజధాని నుంచి డాక్టరు అశోక్‌ను (ఫిజీషియన్‌) పంపించిందని తెలిపారు. ఆయన ఆసుపత్రి వర్గాలతో సమావేశమై బాబా ఆరోగ్య పరిస్థితిని తెలుసుకుని ప్రభుత్వానికి నివేదిక పంపుతున్నట్లు వివరించారు.

బాబా ఆరోగ్యం విషమించిందని ఆసుపత్రి వర్గాలు ప్రకటించడంతో భక్తులు తీవ్ర ఆందోళనకు గురయ్యారు. ఆరోగ్యం గురించి వాకబు చేసేందుకు సోమవారం రాత్రి పెద్దసంఖ్యలో ఆసుపత్రి వద్దకు చేరుకున్నారు. అక్కడికి చేరుకున్న జిల్లా కలెక్టరు బి.జనార్దన్‌రెడ్డి కారును అడ్డుకున్నారు. బాబా ఆరోగ్యం గురించి తెలియజేయాలని నినాదాలు చేశారు. ఒక దశలో దాడికి యత్నించారు. గమనించిన డ్రైవరు కారు ఆపకుండా వేగంగా ముందుకుపోనిచ్చారు. దీంతో ప్రమాదం తప్పింది. పోలీసులు భారీగా బందోబస్తు ఏర్పాట్లు చేశారు.

English summary
Sri Satya Sai Baba, who was admitted to hospital following lung and chest congestion, continues to be on ventilator support but is showing improvement, doctors attending on him said on Monday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X