హరికృష్ణ అవినీతి లేఖ పార్టీపై కాదు, అయినా ఇప్పుడు రాయలేదు: వల్లభనేని వంశీ

విజయవాడ: తెలుగుదేశం పార్టీ రాజ్యసభ సభ్యుడు నందమూరి హరికృష్ణ అవినీతిపై సంధించిన లేఖాస్త్రం తమ పార్టీపై కాదని కృష్ణా జిల్లా టిడిపి అర్బన్ అధ్యక్షుడు వల్లభనేని వంశీ ఆదివారం అన్నారు. హరికృష్ణ ఆ లేఖను కూడా నిన్న రాయలేదన్నారు. ప్రముఖ సంఘ సంస్కర్త అన్నాహజారే అవినీతిపై నిరాహార దీక్ష చేపట్టిన ఆరంభంలోనే రాశారన్నారు. ఆ లేఖ రాసి నాలుగైదు రోజులు అవుతుందని చెప్పారు.

హరికృష్ణ లేఖ కేవలం అవినీతిపైనే అన్నారు. ఆయన రాసిన లేఖకు పార్టీకి సంబంధం లేదన్నారు. లేఖను వేరే కోణంలో చూపవద్దని సూచించారు. తెలుగుదేశం పార్టీ జిల్లాలో, రాష్ట్రంలో ఐకమత్యంగానే ఉందని చెప్పారు. రేపు జరుగుతున్న అర్బన్ సమావేశాలలో పలు కీలక నిర్ణాలు తీసుకుంటామని చెప్పారు.

English summary

Krishna district TDP urban president Vallabhaneni Vamshi said today that there is no differences in party. He clarifed about MP Harikrishna's corruption letter.