లాడెన్ మృతి: విదేశాల్లోని తన పౌరులను హెచ్చరించిన అమెరికా

By Pratap

Published: Monday, May 2, 2011, 11:29 [IST]

వాషింగ్టన్: ఆల్ ఖైదా వ్యవస్థాపకుడు ఒసామా బిన్ లాడెన్ మృతి నేపథ్యంలో అమెరికా విదేశాంగ శాఖ విదేశాల్లోని తమ పౌరులను హెచ్చరించింది. విదేశాల్లోని రాయబార కార్యాలయాలను అప్రమత్తం చేసింది. లాడెన్‌ను మట్టుబెట్టారనే ఆగ్రహంతో ఆల్ ఖైదా అమెరికా పౌరులపై దాడులు చేసే ప్రమాదం ఉందని తెలిపింది. పాకిస్తాన్‌లో చేపట్టిన ఉగ్రవాద నిరోధక కార్యకలాపాలు పెంచిన నేపథ్యంలో అమెరికాకు వ్యతిరేకంగా హింసాత్మక చర్యలు జరగవచ్చునని అభిప్రాయపడింది.

గతంలో ఉగ్రవాద కార్యకలాపాలు చోటు చేసుకున్న ప్రాంతాల్లో ఉన్న, ఆ ప్రాంతాల్లో పర్యటిస్తున్న అమెరికన్లు జాగ్రత్తగా ఉండాలని, ఇళ్లను విడిచి బయటకు వెళ్లవద్దని తెలిపింది. భారీ సమూహాలకు దూరంగా ఉండాలని కూడా తెలిపింది. అమెరికా రాయబార కార్యాలయాలు తగిన చర్యలు తీసుకుంటాయని చెప్పింది.

Published On May 2, 2011