భార్యను చంపిన కసాయి భర్త, ఆడపిల్లలనే కంటున్నందుకు దారుణం

By Pratap

Published: Saturday, May 14, 2011, 10:20 [IST]

విశాఖపట్నం: భార్యను హత్య చేసిన భర్త ఉదంతం విశాఖపట్నం జిల్లాలో జరిగింది. విశాఖపట్నం జిల్లా కంచరపాలెం రాంజీ ఎస్టేట్‌లో సూరిబాబు అనే వ్యక్తి తన భార్య శ్రీదేవిని హత్య చేశాడు. గొంతు పిసికి అతను ఈ హత్యకు పాల్పడ్డాడు. ఆడపిల్లలనే కంటున్నావని చెప్పి భార్యపై భర్త విరుచుకుపడ్డాడు. తూర్పు గోదావరి జిల్లా నగరం గ్రామానికి చెందిన శ్రీదేవితో సూరిబాబుకు పెళ్లయింది. పెళ్లయిన తర్వాత శ్రీదేవికి మొదటి కాన్పులో ఆడపిల్ల పుట్టింది. రెండో కాన్పులు ఇద్దరు ఆడపిల్లలు కవలలుగా జన్మించారు.

ఆడపిల్లలకు జన్మనిస్తున్న భార్యపై సూరిబాబు తరుచూ గొడవ పడుతున్నాడు. ఇరుగు పొరుగువారు నచ్చ చెప్పినా వినలేదు. శుక్రవారం రాత్రి భార్యాభర్తలు గొడవ పడ్డారు. ఆ గొడవ తర్వాత శనివారం తెల్లవారు జామున సూరిబాబు భార్య ముఖంపై దిండు అదిమి పెట్టి ఊపిరాడకుండా చేసి హత్య చేశాడు. ఆత్మహత్యగా చిత్రీకరించడానికి చీరను కట్టి శవాన్ని వేలాడదీసే ప్రయత్నం చేశాడు. ఆ తర్వాత పారిపోయాడు. పరారీలో ఉన్న సూరిబాబు కోసం పోలీసులు గాలిస్తున్నారు.

Published On May 14, 2011