ఎపి రేయాన్స్‌లో మావోయిస్టుల కాల్పులు: ఓ అధికార మృతి

By Pratap

Published: Monday, May 16, 2011, 16:59 [IST]

వరంగల్‌: వరంగల్ జిల్లాలో మావోయిస్టులు రెచ్చిపోయారు. ఇద్దరు మావోయిస్టులు సోమవారం వరంగల్ జిల్లా మంగపేట మండలం కమలాపురం గ్రామంలోని ఎపి రేయాన్స్ ఫ్యాక్టరీ అధికారులపై కాల్పులు జరిపారు. ఈ కాల్పుల్లో ఫ్యాక్టరీ సీనియర్ మేనేజర్ సదానందం, డిప్యూటీ జనరల్ మేనేజర్ రామకృష్ణ గాయపడ్డారు. వారిని ఆస్పత్రికి తరలించారు. ఆస్పత్రిలో చికిత్స పొందుతూ రామకృష్ణ మరణించారు.

ఫ్యాక్టరీ ఉద్యోగులు ప్రావిడెంట్ ఫండ్ (పిఎఫ్) కోసం ధర్నా చేస్తున్న సమయంలో మావోయిస్టులు లోనికి ప్రవేశించి అధికారులపై కాల్పులు జరిపారు. కాల్పుల అనంతరం మావోయిస్టులు జిందాబాద్ అంటూ నినాదాలు చేసుకుంటూ పారిపోయారు. వారి కోసం పోలీసులు గాలింపు చర్యలు చేపట్టారు. గత నాలుగైదు నెలలుగా ఉద్యోగులు పిఎఫ్ కోసం, బియ్యం కోసం ఆందోళన చేస్తున్నారు.

Published On May 16, 2011