చిరంజీవిపై ధ్వజమెత్తిన వైయస్సార్ కాంగ్రెసు నేత వాసిరెడ్డి పద్మ

By Pratap

Published: Tuesday, May 17, 2011, 10:35 [IST]

గుంటూరు: ప్రజారాజ్యం పార్టీ అధినేత చిరంజీవిపై వైయస్సార్ కాంగ్రెసు పార్టీ నాయకురాలు వాసిరెడ్డి పద్మ తీవ్రంగా ధ్వజమెత్తారు. తమ పార్టీ అధ్యక్షుడు వైయస్ జగన్ దీక్షకు వచ్చిన ఆమె మంగళవారం మీడియా ప్రతినిధులతో మాట్లాడారు. పదవి కోసమే చిరంజీవి కాంగ్రెసు పార్టీలో చేరారని ఆమె విమర్శించారు. పోలవరం ప్రాజెక్టుకు జాతీయ హోదా కోసం చిరంజీవి ప్రారంభించిన పోరాటం ఏమైందని ఆమె ప్రశ్నించారు.

చిరంజీవిని ప్రజలు ఛీకొడుతున్నారని ఆమె అన్నారు. ప్రజలు చిరంజీవిని వ్యతిరేకిస్తున్నారని ఆమె అన్నారు. ప్రజారాజ్యం పార్టీని కాంగ్రెసు పార్టీలో విలీనం చేయాలనే నిర్ణయాన్ని వ్యతిరేకిస్తూ ఆమె ఆ పార్టీ నుంచి వైదొలగి వైయస్సార్ కాంగ్రెసు పార్టీలో చేరారు.

Published On May 17, 2011