తెలంగాణపై రెండో ఎస్సార్సీ వేయరు: ఎంపి మందా జగన్నాథం

By Pratap

Published: Monday, May 23, 2011, 18:18 [IST]

హైదరాబాద్: తెలంగాణ రాష్ట్ర ఏర్పాటు డిమాండుపై కేంద్ర ప్రభుత్వం రెండో ఎస్సార్సీ వేస్తుందనే వార్తలను కాంగ్రెసు తెలంగాణ ప్రాంత పార్లమెంటు సభ్యుడు మందా జగన్నాథం ఖండించారు. తెలంగాణపై కేంద్ర ప్రభుత్వం రెండో ఎస్సార్సీ వేయదని ఆయన సోమవారం మీడియా ప్రతినిధులతో అన్నారు. తెలంగాణ రాష్ట్ర ఏర్పాటు ప్రక్రియ ప్రారంభమైందని, అందువల్ల రెండో ఎస్సార్సీ వేసే ప్రసక్తి ఉండదని ఆయన అన్నారు.

తెలంగాణపై కేంద్ర ప్రభుత్వం రెండో ఎస్సార్సీ వేస్తుందని తాను భావించడం లేదని ఆయన అన్నారు. రెండో ఎస్సార్సీతో తెలంగాణకు సంబంధం లేదని ఆయన అన్నారు. ఒకవేళ రెండో ఎస్సార్సీ వేసినా దాన్ని తెలంగాణకు వర్తింపజేయరని ఆయన అన్నారు. రెండో ఎస్సార్సీ వేస్తే తెలంగాణ ప్రజలు ఊరుకోరని ఆయన అన్నారు.

Published On May 23, 2011