గోనె సంచీలో 11 ఏళ్ల బాలుడి శవం, హైదరాబాదులో ఘాతుకం

By Pratap

Published: Monday, June 13, 2011, 9:15 [IST]

హైదరాబాద్: హైదరాబాదులోని గుడిమల్కాపూర్ ప్రాంతంలో ఓ గోనెసంచీలో 11 బాలుడి శవం కనిపించింది. బాలుడి శవాన్ని గోనెసంచీలో కట్టి, మురికి కాలువలో పడేశారు. స్థానికులు గుర్తించి సమాచారం అందించడంతో పోలీసులు శవాన్ని వెలికి తీశారు. ఆ బాలుడిని ప్రణవ్‌గా గుర్తించారు. అయితే, అతన్ని ఎందుకు, ఎవరు హత్య చేసి ఉంటారనే విషయాలు తెలియడం లేదు.

ప్రణవ్‌ను అపహరించి హత్య చేసి ఉంటారని అనుమానిస్తున్నారు. మూడు రోజుల క్రితం ఈ హత్య జరిగి ఉంటుందని భావిస్తున్నారు. పోలీసులు నేరస్థులను గుర్తించడానికి ప్రయత్నిస్తున్నారు. హత్యకు గురైన బాలుడు ప్రణవ్ డిఆర్‌డిఎల్ శాస్త్రవేత్త రామ్మోహన్ కుమారుడు కావచ్చునని భావిస్తున్నారు. మూడు రోజుల క్రితం అతను అదృశ్యమయ్యాడు.

Published On June 13, 2011