వైయస్ జగన్‌పై ధ్వజమెత్తిన తెలుగుదేశం, మొసలి కన్నీరని వ్యాఖ్య

హైదరాబాద్‌: సాగుపోరు పేరిట జగన్‌ రైతులపై మొసలి కన్నీరు కారుస్తున్నారని తెలుగుదేశం విమర్శించింది. రైతు సమస్యలపై పోరాటం చేయాలనుకుంటే తన తండ్రి వైఎస్‌ రైతుల నుంచి లాక్కున్న పొలాలను వారికి తిరిగి ఇప్పించే పోరాటంతో మొదలుపెట్టాలని తెలుగుదేశం ప్రధాన కార్యదర్శి చంద్రశేఖర్ సోమవారం మీడియా ప్రతినిధుల సమావేశంలో సూచించారు. తన తండ్రి లాక్కున్న భూముల వల్ల బాగుపడ్డ వాళ్లంతా జగన్‌ సంస్థల్లో పెట్టుబడులు పెట్టిన సంగతి వాస్తవం కాదా అని ఆయన ప్రశ్నించారు.

అవినీతి వ్యతిరేక ఉద్యమానికి కౌంటర్‌ ఉద్యమాన్ని చేపడతానంటూ కేంద్ర ఆర్థిక మంత్రి ప్రణబ్‌ ముఖర్జీ వ్యాఖ్యానించడం సిగ్గుచేటని తెలుగుదేశం పార్టీ సీనియర్‌ నేత యనమల రామకృష్ణుడు వ్యాఖ్యానించారు. ఉద్యమాలను కించపర్చే విధంగా ప్రణబ్‌ మాట్లాడడం బాధాకరమని ఆయన విడిగా సోమవారం మీడియా ప్రతినిధుల సమావేశంలో అన్నారు. అవినీతిలో కూరుకుపోయిన యూపీఏ కౌంటర్‌ ఉద్యమాలు చేస్తామనడం ఆశ్చర్యంగా ఉందన్నారు.

English summary

TDP general secretary Chandrasekhar counters YSR Congress party president YS Jagan.