చీము, నెత్తురు ఉందా: కెటిఆర్, జెఏసి కార్యక్రమంలో డైరెక్టర్ శంకర్

హైదరాబాద్: తెలంగాణ కాంగ్రెసు పార్టీ ప్రజాప్రతినిధులకు చీము, నెత్తురు ఉంటే వెంటనే రాజీనామా చేయాలని తెలంగాణ రాష్ట్ర సమితి సిరిసిల్ల శాసనసభ్యుడు కల్వకుంట్ల తారక రామారావు ఆదివారం విలేకరులతో మాట్లాడుతూ అన్నారు. తెలంగాణ ఐక్య కార్యాచరణ సమితి ఆధ్వర్యంలో పట్నం రోడ్ల పై పొయ్యి పెడదాం కార్యక్రమంలో భాగంగా కెటిఆర్ మైత్రివనం వంటావార్పులో పాల్గొన్నారు. ఈ సందర్భంగా ఆయన విలేకరులతో మాట్లాడారు.

టి-కాంగ్రెసు నేతలు ఢిల్లీలో రాజీనామా డ్రామాలు ఆపాలని సూచించారు. చిత్తశుద్ధి ఉంటే వెంటనే రాజీనామా చేయాలని డిమాండ్ చేశారు. తెలంగాణలో సమైక్యాంధ్ర నినాదం వినిపించే వారి ఇళ్ల ముందు కూడా ఇక నుండి పొయ్యి పెడతామని చెప్పారు. ఇక నుండి ప్రతి ఉద్యమం హైదరాబాద్ నుండి ప్రారంభిస్తామని చెప్పారు. కాగా మైత్రివనంలో కెటిఆర్ తో పాటు ప్రముఖ దర్శకుడు శంకర్ కూడా వంటావార్పు కార్యక్రమంలో పాల్గొన్నారు.

English summary

TRS MLA K Taraka Rama Rao demanded today that T-congress leaders resignation. He participated in cooks on road at Mythivanam.