నేపాల్ గంజ్ చేరుకున్న మంత్రి కన్నా లక్ష్మీ నారాయణ, ఎమ్మెల్యే అవంతి

By Srinivas

Published: Tuesday, June 21, 2011, 9:53 [IST]

ఖాట్మాండ్: మౌంట్ కైలాష్ యాత్రకు వెళ్లి ట్రావెల్స్ సంస్థ నిర్లక్ష్యం వల్ల చైనా, భూటాన్ సరిహద్దు హిల్సా ప్రాంతంలో చిక్కుకు పోయిన రాష్ట్ర మంత్రి కన్నా లక్ష్మీ నారాయణ, శాసనసభ్యుడు అవంతి శ్రీనివాస్, కన్నా తనయులు, మరో తొమ్మిది మంది మంగళవారం సిమి కోట్ నుండి నేపాల్ గంజ్ చేరుకున్నారు. నేపాల్ గంజ్ నుండి వారు నేపాల్ రాజధాని ఖాట్మాండ్ చేరుకోనున్నారు. అక్కడి నుండి మన దేశానికి వారు చేరుకోనున్నారు. ఖాట్మాండ్ నుండి కోల్‌కత్తా గానీ, న్యూఢిల్లీగానీ చేరుకుంటారు. అటు నుండి హైదరాబాద్ రానున్నారు. వారు బుధవారం సాయంత్రం వరకు హైదరాబాద్ చేరుకుంటారు.

ఆరు రోజుల క్రితం మౌంట్ కైలాష్ యాత్రకు వెళ్లిన కన్నా బృందం హిల్సా ప్రాంతంలో చిక్కుకున్న విషయం తెలిసిందే. ఆదివారం ఉదయం నుండి సోమవారం వరకు వారు హిల్సా ప్రాంతంలోనే మైనస్ డిగ్రీల చలిలో ఉండి పోయారు. అయితే సోమవారం వారిని హిల్సా ప్రాంతం నుండి సిమి కోట్ తరలించారు.

Published On June 21, 2011