సుష్మా స్వరాజ్ తెలంగాణ బ్రాండ్ అంబాసిడర్, బిజెపి పాగా

హైదరాబాద్: తెలంగాణ బ్రాండ్ అంబాసిడర్‌గా బిజెపి అగ్రనేత సుష్మా స్వరాజ్ వ్యవహరించారు. తెలంగాణ ప్రాంతంలో పాగా వేయడానికి ఆమెను బ్రాండ్ అంబాసిడర్‌గా వాడుకోవాలని భారతీయ జనతా పార్టీ (బిజెపి) ఆలోచన చేస్తోంది. ఇందుకు గాను వచ్చే ఎన్నికల్లో తెలంగాణలోని ఓ నియోజకవర్గం నుంచి పోటీ చేసేందుకు ఆమెను ఒప్పించాలని బిజెపి రాష్ట్ర నాయకులు ప్రయత్నాలు చేస్తున్నారు. ఈ మేరకు త్వరలో బిజెపి అనుబంధ యువజన విభాగం బిజెవైయం తీర్మానం చేయనుంది.

సుష్మా స్వరాజ్‌ను ముందు పెట్టి తెలంగాణలో బలం పెంచుకోవాలని బిజెపి రాష్ట్ర నాయకులు అనుకుంటున్నారు. కరీంనగర్‌లో ఇటీవల జరిగిన తెలంగాణ సభలో సుష్మా స్వరాజ్ ప్రసంగించారు. దీనికి ప్రజల నుంచి విశేషమైన స్పందన లభించింది. తెలంగాణలో సుష్మా స్వరాజ్‌కు ఇమేజ్ ఉందని బిజెపి రాష్ట్ర నాయకులు భావిస్తున్నారు. దాన్ని వాడుకోవాలనేది వారి ఎత్తుగడగా కనిపిస్తోంది.

తెలంగాణ రాష్ట్ర సమితి (తెరాస)తో పాటు బిజెపి కూడా తెలంగాణ రాజకీయ జెఎసిలో ఉంది. జెఎసి ఇచ్చిన కార్యక్రమాల్లో ఆ పార్టీ పాల్గొంటోంది. భవిష్యత్తులో కూడా అలా కలిసి పనిచేయాలనేదే బిజెపి ఆలోచనగా చెబుతున్నారు.

English summary

BJP top leader Sushma Swaraj to act as party brand ambassador in Telangana.