పద్మనాభ సంపద లెక్కింపునకు కమిటీ: సుప్రీంకోర్టు

న్యూఢిల్లీ: తిరువనంతపురంలోని పద్మనాభుని సంపద లెక్కింపు, దాని పరిరక్షణ బాధ్యతలకు సంబంధించి శుక్రవారం ఓ ప్రత్యేక కమిటీని నియమించనున్నట్లు సుప్రీంకోర్టు గురువారం తెలిపింది. కేరళలోని తిరువనంతపురం పద్మనాభుని సన్నిధిలో వజ్ర , వైడూర్య, బంగారు ఆభరణాలతో కూడిన రూ. లక్ష కోట్ల సంపద బయటపడిన విషయం తెలిసిందే. అయితే ఆరవ మాళిగ తెరిచే అంశం పై కోర్టు ఏ విధమైన నిర్ణయం తీసుకోలేదు.

ఆలయ భద్రతకు సంబంధించి కేరళ ప్రభుత్వం తీసుకున్న చర్యలపై సుప్రీం ధర్మాసనం అసంతృప్తి వ్యక్తం చేసింది. దేశంలోని సంపన్నమైన దేవాలయాల్లో పద్మనాభుని దేవాలయం మొదటి స్థానంలో నిలిచింది. విచారణను సుప్రీంకోర్టు ఈ నెల 22వ తేదీకి వాయిదా వేసింది.

English summary

The Supreme Court has decided to appoint a team of experts by next Friday to suggest valuation, safe keeping and security of the wealth found in Sree Padmanabhaswamy temple in Thiruvananthpuram. court said that decision on opening of other vaults can be taken later.