కనిమొళి కన్నా నేనే బెటర్, నిత్యానందతోనే!: రంజిత

By Srinivas

Published: Friday, July 15, 2011, 13:20 [IST]

చెన్నై: వందల కోట్ల రూపాయలు దోచుకున్న డిఎంకె పార్టీ అధినేత కరుణానిధి కూతురు కనిమొళి కన్నా పెద్దగా తానేమీ తప్పు చేయలేదని నిత్యానంద స్వామితో రాసలీలలు నెరపినట్లు ఆరోపణలు ఎదుర్కొంటున్న సినీ హీరోయిన్ రంజిత గురువారం చెన్నైలో ఓ మీడియాతో మాట్లాడుతూ అన్నారు. భవిష్యత్తులో తాను సన్యాసం స్వీకరిస్తానని రంజిత చెప్పారు. తాను సినిమాలలో నటించనని, రాజకీయాలలోకి అడుగుపెట్టనని స్పష్టం చేశారు. గతంలో కన్నా యోగా, ధ్యానం వల్ల తాను ఇప్పుడు సంతోషంగా ఉన్నానని చెప్పారు.

తాను కష్టాల్లో ఉన్నప్పుడు కరుణానిధి పట్టించుకోలేదని ఆరోపించారు. తాను నిత్యానంద శిష్యురాలిగానే ఉంటానని, ఆశ్రమం తరఫున జరిగే సేవా కార్యక్రమాలలో పాల్గొంటానని చెప్పింది. పేదలకు ఉచితంగా వైద్య సేవలు అందిస్తానని చెప్పారు. అందుకోసం ప్రత్యేక ఆసుపత్రి నిర్మిస్తానని చెప్పారు. పదేళ్ల తర్వాత తనను పూర్తి స్థాయి సన్యాసినిగా చూస్తారని చెప్పారు. పూర్తిగా ఆధ్యాత్మికతపై దృష్టి సారిస్తానని చెప్పారు.

Published On July 15, 2011