వైయస్ జగన్ ఖరీదైన భవనాలపై సిబిఐ కన్ను!

By Srinivas

Published: Friday, July 22, 2011, 13:22 [IST]

హైదరాబాద్: వైయస్సాఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి చెందిన ఆస్తుల దర్యాఫ్తు విషయంలో శుక్రవారం ఏపిఐఐసి మాజీ చైర్మన్ బిపి ఆచార్య సిబిఐ అధికారుల ముందు తన వాంగ్మూలాన్ని నమోదు చేశారు. జగన్ కంపెనీల్లో పెట్టుబడులపై సిబిఐకి ఇప్పటి వరకు పదహారు కంపెనీలు వివరాలు సమర్పించాయి. మరో నాలుగు కంపెనీలు శుక్ర, శనివారాల్లో పెట్టుబడులు, ఆర్థిక వ్యవహారాలపై వివరాలు సమర్పించే అవకాశం ఉంది. పెట్టుబడిదారులు పొందిన భూ కేటాయింపులు, అనుమతులు, రాయితీలను సిబిఐ అధ్యయనం చేస్తుంది.

రెవెన్యూ, ఐటి, పరిశ్రమలు, గనుల శాఖల నుండి సిబీఐ రికార్టులు తెప్పిస్తోంది. జగన్ ఖరీదైన భవనాల నిర్మాణ వ్యయంపైనా సిబిఐ పరిశీలిస్తున్నట్లుగా తెలుస్తోంది. కాగా జగన్ కంపెనీలు అయిన జగతి, ఇందిరా టెలివిజన్, భారతి కంపెనీలలోకి భారీగా పెట్టుబడులు రావడంతో సిబిఐ అధికారులు వాటిలోకి వచ్చిన పెట్టుబడులపై ప్రత్యేకంగా దృష్టి సారించినట్లు తెలుస్తోంది. ఐదో రోజు సిబిఐ అధికారుల దర్యాఫ్తు కొనసాగుతోంది. అయితే తవ్విన కొద్ది కొత్త కొత్త విషయాలు బయట పడుతున్నట్లుగా తెలుస్తోంది.

Published On July 22, 2011